Musiikinstrumänt foont iir 2017: jü oboe

Musiikinstrumänt foont iir 2017: jü oboe
Bild: HustvedtCreative Commonsby-sa 3.0 deed.envia wikimedia commons

Önj e januar as dåt musiikinstrumänt foont iir 2017 bekånd mååged wörden: jü oboe. Dåt as en suurt hoolten püstinstrumänt ma silwerne metalpårte än et as en pårt foont klasisch orkester. Wan dåt orkester for en konsärt da instrumänte stimt, gungt dåt eefter e toon foon e oboe. Jü liknet en ouder hoolten püstinstrumänt, nämlik jü klarinette, ouers jü klarinette as boowen, weer’m önj püstet, briidj än jü oboe as lung en smeel. Jü oboe, wat et diling jeeft, as önj e barock önjt 17. iirhunert üt e schalmei önjtstiinjen. Dåt as en instrumänt üt et madelåler. Ouers dåt jaft bile foon iir forme, wat ål 3000 v. Chr. mååld wörden. Än uk önj e biibel kamt jü for. Deer håt’s chalil, än wan jü önj e tempel spaald wörd, schal’m har önjt hiil Jerusalem hiird heewe.

Näist tut orkester jeeft et jü oboe uk önj e jazz- än pop-musiik. Jü kamt tut baispal önjt stuk „Bright Eyes“ foon Art Garfunkel for unti önj „Twist in My Sobriety“ foon Tanita Tikaram.

Ouers weeram jeeft et ouerhood en musiikinstrumänt foont iir? Dåt as en projäkt foon e loonsmusikrädj Slaswik-Holstiinj, wat et nuch ai sü lung jeeft. 2016 jäif et dåt dåt jarst tooch. Deer wörd jü hårp iird. Dåt gungt deeram, dåt en instrumänt bekånder wårt än huum kåneliirt, wat et åles koon. Bütedåt schal dåt projäkt uk for musiik önjt gehiil wiirwe än for e musiikårbe önj Slaswik-Holstiinj.

Nuch wat deertu: Dåt projäkt „musiikinstrumänt foont iir“ jeeft et ål sunt 2008. Da instrumänte wjarn bit heertu klarinette, trumpeet, kontrabass, posaune, fagott, gitarre, bratsche, horn än hårp.


Das Musikinstrument des Jahres 2017 ist die Oboe. Sie ist ein Holzblasinstrument mit langem schmalen Mundstück und ähnelt im Aussehen sehr der Klarinette, die allerdings ein breites Mundstück hat.

Die Oboe ist im Barock entstanden, aber 3000 v. Chr. sind bereits Abbildungen von Vorformen entstanden und sie wird auch in der Bibel erwähnt. Neben der Orchestermusik kommt sie auch in der Jazz- und Popmusik vor. Seit 2016 gibt es das Projekt „Musikinstrument des Jahres“ vom Landesmusikrat Schleswig-Holstein. Es soll für das jeweilige Instrument, Musik im Allgemeinen und die Musikarbeit in Schleswig-Holstein werben.

Nachtrag: Das Projekt „Musikinstrument des Jahres“ wurde bereits 2008 gestartet. Die bisherigen Instrumente waren Klarinette, Trompete, Kontrabass, Posaune, Fagott, Gitarre, Bratsche, Horn und Harfe.