Super Bowl 2017

Super Bowl 2017

Arkes juar as at Super Bowl det gratst event uun’t fernseen. Det ei bluat, auer lidj det sport hal mei, man uk, auer’t uun’t gehial en grat show as – bitu at sport (an det alian wiar das juar al auermiatig interesant) jaft at uun’t half time en grat musik show an teskenuun föl werbung – huarbi föl spots ekstra för’t Super Bowl maaget wurd. Faan lastig auer konstlerisk an iarnst bit tu gans patriotisk spots as arkes jaur föl diarbi. För hög juaren hee en spot faan Volkswagen tu en diskusjoon am positiif diskrimineering feerd, auer lidj faan Jamaika diar uun üüb hör gud steming redusiiret wurd (hir kön jam det sä).

Das juar jeew’t uk weler werbung, wat för diskusjoon surigt hee. Man das ging det faan de fernsee-sender FOX ütj, wat at Super Bowl auerdraanj hee. Jo wul det spot faan’t baumarktkeed 84 Lumber ei sende. Uun de spot wal en wüf mä hör foomen faan Mexiko tu a USA flücht. Man efter jo troch’t hial lun kimen san, bliiw jo tau föör en grat müür stun. FOX wul det müür ei sende auer jo det tu politisk wiar. Diaram jeew’t bluat det iarst hualew faan’t spot uun’t fernseen, det öler do üüb’t website faan 84 Lumber. Det website küd ham do natüürelk gau ei muar aprep, auer de uundrang tu grat wiar. Nü gongt at oober weler. A wits bi det saag as bluat, dat at CEO faan 84 Lumber goor niks jin at müür tesken a USA an Mexiko hee, at sogar gans gud fant (kön’em bi Washington Post lees), man föl lidj det spot üüs kritik ferstenen haa (hir kön jam det hial spot sä).

Min favoriiten wiar oober öler spots.

1.: Avocados From Mexico

Näämelk faan Avocados From Mexico, en gans lastigen spot, wat werbung för jo sünj avocados faan Mexiko maaget:

Der Inhalt ist nicht verfügbar.
Bitte erlaube Cookies, indem du auf Übernehmen im Banner klickst.

2.: TurboTax

Diartu tau spots för det app TurboTax, huar mä at gans ianfach wees skal, stüüren tu maagin an huar uun de ual Humpty Dumpty en grat aptreed hee:

Der Inhalt ist nicht verfügbar.
Bitte erlaube Cookies, indem du auf Übernehmen im Banner klickst.

Der Inhalt ist nicht verfügbar.
Bitte erlaube Cookies, indem du auf Übernehmen im Banner klickst.

3.: Febreeze

An en spot faan Febreeze. Febreeze? Ja – at jaft ja imer uk jo patriotisk spots, oofting haa jam mä militär an autos tu dun, man Febreeze maaget ham lastig auer jo patriotisk werbespots an det foonj ik gans gud:

Der Inhalt ist nicht verfügbar.
Bitte erlaube Cookies, indem du auf Übernehmen im Banner klickst.

Apropos avocados an wat tu idjen…

An wan jam nü uk last üüb avocados haa, haa’k min lefst guacamole-resept för jam, wat gud för en pöös nachos lingt:

Nacho mä guacamole
Nacho mä guacamole

Jam brük:
4–6 cherrytomaaten of 1 grat tomaate
1 letj (güül) skalot
2 rip (wok) avocados
1–1½ limeten (wan jam 1½ nem, haa’m noch wat för en drank auer!)
½ skuuf gleed peetersile (of 1 iidjskaas freesen peetersile)
en betj saalt an pöber
1 chili jalapeño of 1 teeskaas chilipolwer (det grööw, wat ham wilems uk uun’t imbis feit – at skal ei fjüürig wees, man en betj pikant)

Tuiarst auerbrui jam jo tomaaten mä hidj weeder, am diarefter at hidjs uftji tu könen. Jo tomaten wurd mä’t skalot an’t petersile tup fein hakt. Jo limeten trak jam gud ütj an ming det saaft mä jo avocados an püriire det gud. Ming’em det püree mä chili, jo tomaten, at skalot an at peetersile an smeek’em det mä saalt an pöber uf.

Schreibe einen Kommentar

Details zur Verarbeitung deiner Daten bei einer Kommentarerstellung findest du in der Datenschutzerklärung (Abschnitt "Kommentare und Beiträge"). Die Angabe von Name und E-Mailadresse ist optional, es können auch Pseudonyme oder anonyme Kommentare hinterlassen werden.