Jules Verne

Jules Verne
Bild: Félix Nadarvia wikimedia commons

Di 8. februar 1828 as di iirdäi foon en ordi bekånden schriwster, nämlik Jules Verne. Hi as önj Nantes önj Frånkrik tuläid wörden. Eeftert schölj heet’r Jura studiird. Önj jüdeer tid heet’r uk oudere frånsche schriwstere kåneliird, tut baispal Alexandre Dumas, wat „Da tra Musketiere“ schraawen heet. Deereefter heet’r bait teooter årbed än heet teooterstuke schraawen. Foon 1856 ouf önj wus‘r börsenmakler. Iinj iir lääser heet’r ham ma Honorine Morel befraid, wat en waas wus än ål tou bjarne häi. Önj e hiilj tid heet Jules Verne schraawen än deer san uk wärke publisiird wörden. Eefterdåt da romååne „Fiiw waage önj e Ballon“ än „Räis tu e madelpunkt foon e wråål“ ütkiimen san, köö’r sunt 1865 foont schriwen laawe. Hi heet uk hu räise mååged än häi en säägelbüütj än en dåmpbüütj.

Jules Verne as di 24. marts 1905 önj Amiens eefter en diabeetesschöör störwen. Uk eefter san düüs wörden nuch wärke foon ham ütjääwen. Foole manschne tånke uk, dåt‘r jü Science-Fiction-Literatur mabegrüned heet.

Da bekåndste böke foon Jules Verne san såcht „Räis am e wråål önj 80 deege“, „Räis tu e madelpunkt foon e wråål“ än „20.000 meele uner e siie“. Ouers hi heet nuch maning mör schraawen, tut baispal di romåån „Di kuriir foon e Zar“. Deerönj braingt en kuriir en wichti tising uner maning fååre foon Moskau eefter Irkutsk önj Sibiirien. „Mäister Antifer sin wunerboore ääwentüüre“ ferteelt foon en schåtsäkj, wat foon Ägypten bit eefter Spitzbergen gungt.


Am 8. Februar 1828 wurde in Nantes der bekannte Schriftsteller Jules Verne geboren. Nachdem er Jura studiert, im Theater und als Börsenmakler gearbeitet hat, konnte er ab 1865 von der Schriftstellerei leben. Gestorben ist er am 24. März 1905 in Amiens.

Jules Verne gilt für viele als Mitbegründer der Science-Fiction-Literatur. Neben den bekannten Romanen „Reise um die Erde in 80 Tagen“, „Reise zum Mittelpunkt der Erde“ und „20.000 Meilen unter dem Meer“ hat er noch viel mehr geschrieben.  „Der Kurier des Zaren“ handelt zum Beispiel von einem Kurier, der eine wichtige Nachricht von Moskau ins sibirische Irkutsk bringt, und in „Meister Antifers wunderbare Abenteuer“ geht es um eine Schatzsuche.