Musik streaming kwalitäät

Üüs uaren kön audio-frequensen bit tu aagetaanj of sogoor twuntichdüüsen Hertz hiar, wan wi noch gud hiar kön. Likes san ei ale frequensen üüb ianmool wichtig, wan wi wat hiar. Det haa ingeneuren ütjfünjen an diarauer sok formaten üüs MP3 apfünjen, huarbi bluat det faan en audio, also tu’n bispal en stak musik, speichert woort, wat wi hiar kön. Oober sant at det jaft, sai uk imer weler lidj, dat jo det ei gefäält, auer jo so redusiiret ei det hial musik geneet kön. De musiker Neil Young hee tu’n bispal ekstra en aanj musik-player baut üüs jindial tu normool MP3-Playern an en aanj online-musik-looden apmaaget üüs konkurens tu online-looden sok üüs iTunes, huar uun hi bluat audio mä huuch qualitäät ferkääft hee (ales oner de nööm „Pono„).

Daaling woort ja föl musik uk ei muar kääft, man streamt. Tu’n bispal bi Spotify, Apple Music of Tidal. Bi Tidal koon ham musik uk saner reduksjoon streame, lossless näämd ham det uk. An at jaft berachter, dat Spotify det nü uk ploonet üüs en ekstra-tarif tu’t premium-tarif. Oober – koon ham det wörelk hiar? At jaft diar onerskiasen, auer ham det musik onerskiaslik stark komprimiire koon. Diar koon ham det bal ei faan en lossless format onerskias. Oober bi’t streaming faan Spotify as – fööraal för standard-usern – det qualität ei gans so huuch (hir finj jam taalen diartu) an ik finj, ham koon at hiar.

Wi haa hir tweisis jo iarst 20 sekunden faan’t stak „Over It (Not)“ faan Elaine, wat bi’t Netlabel The Poni Republic ütjkimen as an wat at diar oner en Creative Commons BY-NC-ND 2.5 lisens jaft. Wan jam det bi’t label download, fu jam det üüs MP3 mä en komprimiiring föör en bitrate faan 320 kbit/s. Det as temelk gud an diar hiart ham bal neen onerskias tu CD-kwalitäät of lossless. Uun jo tau staken hir fu jam det oober mä en bitrate faan 160 kbit/s (bi Spotify „Desktop and web player standard quality“) an 96 kbit/s (bi Spotify „Normal quality on mobile“):

Det onerskias koon ham al gud hiar, finj ik.

Intresant as uk de test bi The Verge, huar ham en stak uun trii kwalitääten uunhiar koon an sai skal, wat det best kwalitäät as. Diar woort uk noch en betj muar ferklaaret, bi wat föör tuaner ham det fööraal hiar koon. An Tidal ferklaaret uun sin video, wat föör frekwensen of tuaner ütj at musik ferswinj.


Es ging hier grad um Komprimierung von Musik, ein Thema, das sich erst recht technisch anhört, aber fast alle täglich betrifft, weil der meiste Ton in Online-Angeboten komprimiert ist – vor allem bei Streamingdiensten. Seitdem es diese eigentlich sehr praktische Technik gibt, wurde sie aber auch kritisiert, weil sie Teile des Tons rausfiltert. Ab wo das wirklich hörbar wird und vielleicht sogar stört, haben wir hier einmal durchgespielt. Selbst könnt ihr das auch noch einmal ausführlicher bei The Verge testen, wo auch noch mehr dazu erklärt wird, welche Töne man hört. Und Tidal erklärt im Video, welche Frequenzen bzw. Geräusche aus der Musik verschwinden.

2 Gedanken zu „Musik streaming kwalitäät“

Schreibe einen Kommentar

Details zur Verarbeitung deiner Daten bei einer Kommentarerstellung findest du in der Datenschutzerklärung (Abschnitt "Kommentare und Beiträge"). Die Angabe von Name und E-Mailadresse ist optional, es können auch Pseudonyme oder anonyme Kommentare hinterlassen werden.