ESC 2017: Det ööder semi-finaale

ESC 2017: Det ööder semi-finaale
Bild: Andres Putting, eurovision.tv

Wi haa’t jam ferspreegen an hir as’t: üüs iindrük faan’t ööder semi-finaale faan süürsdai. Lokelk san ik natüürelk auer de bulgaarisk bidrach, auer det ja een faan min favoriiten wiar – an üüs ik sen haa, uk faan föl ööder lidj. Ik foonj det stak live ei gans so gud, oober ik bliiw bi min meening, dat at en gud produsiiret pop-stak as. Dat de dring so jong as as nian bonus of efterdial, uun jindial tu de bidrach faan Irlun, wat ham doch tu föl efter teenie-pop uunhiard hee.

Min ööder favoriit, det tachtentiger-juar-nomer faan Litauen, as ei widjerkimen, oober diarför de ungaarisk bidrach, wat ik live do uk gans net foonj. Det stak „Dance Alone“ faan Matsedoonien wiar uk gans net, as oober ei widjer kimen, diarför hee’t schongster Jana Burceska oober en uundrach för’t bradlep füngen.

Uun’t gehial woort at intresant, wat uun’t finaale komt. Diar san föl staken uun, wat popig san an huarfaan föl lidj faan’t publikum swermet haa, tu’n bispal „Yodel it“ faan Rumäänien, huar ik oober ei föl mä wurd koon. Uk det favorisiiret stak faan uasterrik foonj ik nü ei so grat. An wat mi rocht woor auerrasket haa, wiar, dat det stak faan a neederlunen so gud uunkimen as. Uun’t ESC-app koon ham bi en inofisiel voting dialnem, huarbi hüsing uun Kiiew do onerskiaselk uunljochtet wurd – jüst, hü jo lidj ufstemet haa. An diarbi haa’k sen, dat föl lidj temelk gud för a neederlunen ufstemet haa. Diarbi wiar det eentelk bluat en ual girl-pop-nomer.

Ik wanske jam üüb arke fal föl spoos mä’t finaale. An för mi wanske ik mi uuntööger üüs jo moderatooren jo tu begaan faan’t show uunhed:

Foto: Andres Putting/eurovision.tv | Timur Miroshnychenko, Oleksandr Skichko & Volodymyr Ostapchuk, jo moderatooren faan't ESC 2017
Timur Miroshnychenko, Oleksandr Skichko & Volodymyr Ostapchuk, jo moderatooren faan’t ESC 2017. Foto: Andres Putting/eurovision.tv

Ich wünsche mir solche Anzüge wie von den Moderatoren des diesjährigen ESC. Beim zweiten Halbfinale bin ich zufrieden, dass Bulgarien weiter ist, aber das war eigentlich auch keine Überraschung. Viel überraschender ist der Einzug der Niederlande ins Finale – da hätte ich mir lieber noch Mazedonien oder Litauen gewünscht.

1 Gedanke zu „ESC 2017: Det ööder semi-finaale“

Kommentare sind geschlossen.