Fahrradklima-Test 2016

Wi haa hir ferleeden juar al am a Farradklima-Test faan a ADFC, de algemian tjiisk wel-klub, snaaket. Uun det test küd ham bewäärte, hü’t uun det aanj stääd mä de wel-ferkiar ütjsjocht. Det haa uk en mase lidj den an nü jaft at resultaaten.

An diartu koon ham sai, dat at iarst ens för Kiel gans gud ütjsjocht. Oner jo grat stääden as Kiel uun’t ranking üüb plaats 6 kimen. Det hiard ham gud uun, ham skal oober uk sai, dat Kiel bluat en skuulnoote faan 3,61 füngen hee. An det as do weler ei so en graten grünj för fröögels.

Oober mä öler stääden sjocht at uk ei so föl beeder ütj. Münster as üüb a iarst plaats faan jo grat stääden mä en noote faan 3,07. Wan ham üüb ale stääden luket, also grat an letj, do as de welferkiar uun Reken, det as ei widj wech faan Münster uun NRW, am besten. Reken hee en noote faan 1,86 füngen.

Uun wat för en kategorii jo stääden nü besanerlik gud of ring san, komt natüürelk üüb arke stääd uun. Uun Kiel as det so, dat lidj temelk üntufrees wiar mä’t föl klauen faan welen an diarmä, hü gud an gonstag ham welen uun a naiferkiar mänem koon. Oober uk mä waanjer, wat üüb welwaier parket san, wiar föl lidj üntufrees. Det san uk ponkten, huar mä lidj uun föl öler stääden üntufrees wiar. Diarjin komt at imer gu uun, wan ham gud iin uun’t stäädsentrum keer koon an wan struaten, wat ianboonstruaten för autos san, eeben san för welen. Diar küd Kiel uk gud ponkte.

Oober at jeew ja ei bluat Kiel. Gud wechkimen uun Sleswig-Holstian san uk Norderstedt an Eckernförde, det koon ham oober jüst üüs för ark öler stääd üüb det website faan’t projekt, Fahrradklima-Test.de, efterluke.


Die Ergebnisse vom Fahrradklima-Test des ADFC, über den wir euch letztes Jahr schon erzählt haben, sind da und wir haben einen Blick auf die Auswertung geworfen. Kiel kommt dabei relativ gut weg mit Platz 6 im Ranking der Großstädte. Allerdings sind die Durchschnittsnoten unter den Großstädten auch eher durchwachsen, jedenfalls hätte man zu Schulzeiten mit Kiels Durchschnittsnote sicherlich keine Anerkennung für den 6. Platz bekommen. Wie die einzelnen Städte abgeschnitten haben, könnt ihr auf Fahrradklima-Test.de nachschauen.

Schreibe einen Kommentar

Details zur Verarbeitung deiner Daten bei einer Kommentarerstellung findest du in der Datenschutzerklärung (Abschnitt "Kommentare und Beiträge"). Die Angabe von Name und E-Mailadresse ist optional, es können auch Pseudonyme oder anonyme Kommentare hinterlassen werden.