Halloween-alternatiifen för aran

Halloween-alternatiifen för aran

Bi min nei wening jaft at so en video-klingerklook. Wan hoker föör a dör stäänt an klingelt, kön ik tu Halloween gliks sä, of det en frinj as, en kint as, wat snupkroom wal, of – ik nem det tutmanst uun dat at so as, wan ik niks sä – en gespenst. Oober ik liaw, so föl lidj kem diar uk ei föörbi. An wan dach, wul ik min tidj eentelk uk beeder ferbring üüs bi a dör tu teewen. Tu’n bispal mä’t hiarspal “Halloween” faan de WDR-stasjoon 1LIVE. Diar jaft at uun tau dialen en hiarspal am en skööl jong lidj, wat bi en auto-ünfaal tu Halloween am’t leewen kimen san an nü ark juar üüs geister turag kem. Jo fertel so en betj det, wat malööret as, widjert wi belewe kön, wat daaling mä dediar dring pasiiret, diar üüs iansigst de ünfaal auerlewet hee. “Halloween” jaft at üüb’t website faan de WDR an uun’t hiaspal-podcast “WDR Podcast-Speicher”.

An wan jam leewer fernseen luke, do rekomendiare ik “It’s the great pumpkin, Charlie Brown” of üüb tjiisk “Der große Kürbis”, det Halloween-special faan a Peanuts faan 1966. Diartu jaft at uk en nögen anekdoot: auer Charlie Brown uun detdiar episoode nian snupkroom feit, man bluat stianen, üüs hi mä jo öler jongen bi a dören klingelt, haa efter det episoode tu’t iarst feer uun fernseen tu sen wiar, gans föl jongen en dial faan hör snupkroom tu Charlie Brown stjüürt.

🇩🇪
Meine Tipps für Halloween, wenn ihr nicht auf Partys geht oder an der Tür auf verkleidete Kinder warten wollt: Das zweiteilige Halloween-Hörspiel von 1LIVE, das es auf der WDR-Website zum Nachhören und Herunterladen gibt und in dem eine Gruppe Jugendlicher als Geister zurückkehrt, nachdem sie bei einem Autounfall an Halloween ums Leben gekommen sind, und das Halloween-Special der Peanuts, “It’s the great pumpkin, Charlie Brown”, in dem Charlie Brown, anders als die anderen Kinder, nur Steine statt Süßigkeiten bekommt. Viele Kinder, die das 1966 nach der Erstausstrahlung gesehen haben, haben Charlie Brown daraufhin ihre Süßigkeiten zugeschickt.

1 Gedanke zu „Halloween-alternatiifen för aran“

Kommentare sind geschlossen.