Animoji Karaoke

Animoji Karaoke

Wat en animoji auerhood as

Bi’t nei high-end-smartphone faan Apple jaft at en gans witsig nei funksjoon, wat ham Animoji näämt. Wat diar beeft stun küd, hiart ham gau: irgentwat mä animasjoon an emoji. Oober wat as det genau?
At jaft hög emojis – ale mä en gesicht, also tu’n bispal at swin of a aap –, wat ham so tu saien tu leewent wrääkne koon. At funksjoniiret mä det nei selfie-kamera faan’t tilefoon, wat ei bluat en bilj maage koon, man uk gesichter triidimensjonaal ütjweerte koon. So koon det tilefoon miimik an beweeging ütj en gesicht üüb en emoji auerdreeg an do woort at aanj gesicht üüb ianmool tu – tu’n bispal – en swin-emoji, wat mä ään snaaket.

An wat as Animoji-Karaoke?

Det nei tilefoon jaft at sant ferleeden weg an at hää ei loong düüret, bit hög lidj kreatiif diarmä wurden san. Sant das wegaanj as „Animoji-Karaoke“ en grat saak uun a netswerken. Lidj maage en film, hü’s hör lapen tu musiik beweege an üüs animoji sjocht det do ütj, üüs wan en emoji det stak sjongt. Lip-synch mä en emoji so tu saien.

Küd lastig wees, küd oober uk rocht dom ütjsä

Nü as det en gans fein idee, oober wan ham en aap linger üüs tjiin sekunden tusjocht, as’t uk gans gau ei muar so lastig. Det haa was uk jo lidj soocht, wat det bit nü best Animoji-Karaoke maaget haa, neemelk tu det stak uun a maden faan Queen hör „Bohemian Rhapsody“. Uun’t originool-video sjocht ham diar jo gesichten faan jo Queen-lidj an uun’t Animoji-Karaoke en kaat, en swin, en höön of truthöön an en foos. Auer det originool-video gans gud imitiiret as, as hir uk det Animoij-Karaoke gans gud wurden an at luanet ham doch ens, det uuntulukin:

Det as gans fein, oober uk ei det iarst feer, dat hanen „Bohemian Rhapsody“ interpretiire. Diar jaft at al en öler fein video tu:

🇩🇪

Beim neuen Vorzeige-Smartphone von Apple gibt es die Funktion „Animoji“, mit der von der Selfie-Kamera Mimik und Lippenbewegung aufgenommen und auf ein Emoji übertragen werden können. Kurz nachdem das Telefon verfügbar war, gab es deswegen auch Animoji-Karaoke-Videos, wo einem Schweine und Affen etwas vorsingen. Aus dem Witz ist die Luft schnell raus, ein Video hingegen ist richtig gut, weil es das originale Musikvideo liebevoll imitiert: Katze, Truthahn, Schwein und Fuchs singen „Bohemian Rhapsody“ von Queen. Oben seht ihr nicht nur das erwähnte Video, sondern auch ein anderes Video, in dem schon früher Hühner mit dazu beigetragen haben, den Queen-Klassiker zu interpretieren.

1 Gedanke zu „Animoji Karaoke“

Kommentar verfassen