Bernd Knauer

Wan jam uun Kiel wene of tutmanst ens diar wenet haa, do kään jam ferlicht at dokumentasjuun „Youth Wars“, wat tu began faan a neegentiger juar dreit wurden wiar, am sköölen faan jonglidj tu porträtiiren, wat’s tu banden tup den haa an mä öler banden stridj. Det wiar so wel üüs dokumentasjuun maaget üüs uk föör’t politsei-skuul, diarmä’s diar uk witj, wat luas as.

Diar san uk hög nazis bi

Diar san högen – wan ei fölen – uun detdiar dokumentasjuun, wat temelk rochts san, högen iarer diskreet, ölern san gans eeben nazis. Jo miasten oober san fööraal ufstompet. Of det nü faan’t alkohol komt of ianfach diarfaan, dat’s nian grat perspektiif haa, of diarfaan, dat ales tup komt – jo san föl uun’t klopin an dranken. Maden tesken jo lidj faan a sköölen wat nöömer haa üüs „Tigers“, „Mad Dogs“, „Blue Brothers“ an „Kneipenterroristen“, as een maan, wat so en betj tu en kult-figüür wurden as.

Een maan as kult wurden – oober huaram eentelk?

Bernd Knauer üüs steemp üüb Hauke san hun bi en konsert-besjük uun Flensborig
Bernd Knauer üüs steemp üüb Hauke san hun bi en konsert-besjük uun Flensborig

De Kneipenterrorist Bernd Knauer, wat ham ei bluat uun Kiel üüs grafiti of ufdrük üüb en schört fant, man sogoor uun Flensborig üüs steemp, wan ham diar en klub besjükt. Moraalisk sen as nian onerskias tesken Bernd Knauer an jo ölern, oober uun’t dokumentasjuun jaft at föl sprööken faan ham, wat temelk kultig wurden san – üüs tu’n bispal „jetz is auch Laboe fällich“, „jede Mutter hat ne schöne Tochter“, „auf Frauen geben wir nich so viel, wir geben lieber auf die Freundschaft mehr“ an wan hi faan sin „Eigelbs“ snaaket, wat hi gud kööge kön. Diartu snaake’s uun detdiar dokumentasjuun ale mä en bridj nuurdtjiisk aksent an diarmä so goor ei üüs ham een en gangster föörstäält.

Ale haa fersoocht, Bernd Knauer tu finjen

Sant juaren wost neemen, wat ütj ham wurden as, bit en team faan Spiegel TV, huar dialen faan „Youth Wars“ uun a neegentiger juar uk al tu sän wiar, at skaafet hee, Bernd Knauer noch ens tu interviewen. Dach nü as hi, kurt iar det interview tu sän wees skul, mä 52 juar störwen. Diarmä as san kult-status was noch en betj grater wurden, oober tutmanst skal hi ham nü ei linger fersteeg, üüs hi det sant det dokumentasjuun den hee.

Muar diartu uun’t internet

Det komplet dokumentasjuun kön jam üüb’t website faan Spiegel TV finj, jüst so üüs det interview mä Bernd Knauer.

Bernd Knauer üüs kultfigüür of en grat intrese för a Kneipenterroristen fant ham uk imer weler uun’t internet. A Kieler Nachrichten haa ferleeden juar  al fersoocht, Bernd Knauer an jo kneipenteroristen tu finjen an haa en lingern bidrach diaram skrewen, auer at dokumentasjuun do jüst 25 juar ual wurden as. An uk wan’s det dokumentasjuun ei sen haa, keen fans faan’t podcast „Fest & Flauschig“ faan Jan Böhmermann an Oli Schulz was a sprööken faan Bernd Knauer, auer’s diar wilems iinspelet wurd. Efterspelet – of föl muar parodiiret – wurd Knauer uun en video faan studenten faan’t FH Kiel, wat jo uk meut den haa, jodiar stääden üüb struat weler tu finjen, wat uun’t dokumentasjuun tu sän wiar.

🇩🇪

Wohl eher wider Erwarten ist Bernd Knauer als Mitglied der Jugendgang „Kneipenterroristen“ mit seinen in einem Dokufilm aus den Neunzigerjahren festgehaltenen Sprüchen in Kiel und über Kiel hinaus zur Kultfigur geworden. Nachdem viele Leute versucht haben, ihn wieder ausfindig zu machen, hat Spiegel TV es geschafft, Knauer noch einmal zu interviewen, bevor er, wie jetzt bekannt wurde, letzten Monat mit 52 Jahren gestorben ist.

Kommentar verfassen