Skuullidj jin waapen

Skuullidj jin waapen

Uun’t uugenblak wurt föl protestiiret uun a USA jin at waapen-politik, auer bi en amok-uungrip för knaap tau weg uun Floria 17 lidj duadschööden wurden wiar – jo miast diarfaan skuuljongen. An uk wan’t protest efter so en ferbreegen irgenthü tu en rutiine wurden as, huar efter ham niks of knaap wat anert, wurd ik uuntesken en betj optimistisker.

So üüs ik det tutmanst faan heer ütj bewäärte kön, haa’k de indrük, det de aktuel protest dach muar brangt üüs ik det uun a ferleeden juaren faan öler protesten toocht haa. Sant bi’t amok-uungrip uun’t Sandy Hook Elementary School uun’t juar 2012 28 lidj duadschööden wurden san, wurt uun’t Gun Violence Archive saamelt, hü föl lidj bi en waapen-uungrip sterew, wan diarbi muar üüs 4 duadschööden wurd. An det san uun dön fiiw juar bit nü auer 16001800 lidj weesen (uun de bidrach snaake ik faan 1600, oober do haa’k falsk leesen, för en bidrach am a taalen sä Vox).

Arkes feer wurt’ar am snaaket, hü ianfach ham waapen fu kön – an at gungt ales so widjer

So wat kön ham een knaap föörstel. Fööraal, auer arkes feer efter so en uungrip protestiiret wurd, det waapen tu ianfach keeft wurd kön – an diarbi gungt at ei bluat am pistoolen, man uk am automaatisk geweeren. Det as uuntesken wörelk tu en rutiine wurden, wat een so rocht swaarmudig maage kön. Sant det letst grat amok-uungrip för knaap tau weg (ZEIT) jaft at oober grat protest, wat föör aal uk faan a skuuljongen organisiiret wurd, wat de uungrip auerlewet haa (Spiegel Online). Jo fu föl sympatii uun a sosjaal medien an kön föl lidj motiviire, mä jo tup jin waapen tu protestiiren. Jo haa likes uk mä föl lidj tu dun, wat’s ei iarenst nem (tagesschau), oober ik haa de iindrük, det’s det gud skaafe, lidj tu mobilisiiren – föör aal at hoodpersuun faan a protesten, Emma Gonzáles.

Tup jin Donald Trump an at waapen-lobby

Ferlicht profitiire’s sogoor uk en betj faan’t algemian steming jin präsident Donald Trump. De hee’m nemelk eentelk al disqualifisiiret mä san komentar, det jin waapen-gewalt uun skuul at ferlicht best wiar, skuulmäästern waapen tu dun. Det idee haa uk al a Trump Beatles uun en nei stak ferwerket:

Der Inhalt ist nicht verfügbar.
Bitte erlaube Cookies, indem du auf Übernehmen im Banner klickst.

Update: Skuulmääster mä waapen

Wi haa jüst diarauer snaaket, do kaam at naist melding am en skuulmääster, wat ham mä waapen uun en klasrüm iinslööden hee (Welt) – saner lidj uuntugrepen, oober likes en gud bispal diarföör, det at woorskiinelk ei föl brangt, noch muar waapen iin uun skuul tu bringen. Uuntesken as uk Donald Trump diarföör, muar jin waapen tu dun, oober so rocht bi a kern gungt hi det noch ei uun, wan hi muar metaldetektooren wal – an det skuulmäästern en waap fu, diar as hi uk imer noch diarföör (tagesschau).

🇩🇪

Nach dem Amoklauf an einer Schule in Florida vor knapp zwei Wochen wird mal wieder über Waffengewalt und den (zu) einfachen Zugang zu Waffen in den USA diskutiert – eine traurige Routine, bei der ich inzwischen aber den Eindruck habe, dass sie wieder fruchten kann. Der aktuell vor allem von Schüler*innen organisierte Protest scheint zumindest ganz erfolgreich. Die absurde Idee von Präsident Trump, gegen Waffengewalt an Schulen Lehrer*innen mit Waffen auszustatten, hat dem Protestlager da auch eher Zuspruch verschafft. Und für einen neuen Hit der Trump Beatles (s. o.) gesorgt.

Schreibe einen Kommentar

Details zur Verarbeitung deiner Daten bei einer Kommentarerstellung findest du in der Datenschutzerklärung (Abschnitt "Kommentare und Beiträge"). Die Angabe von Name und E-Mailadresse ist optional, es können auch Pseudonyme oder anonyme Kommentare hinterlassen werden.