Nei musiik: Goat Girl & Hinds

Nei musiik: Goat Girl & Hinds

A Beatles hed jo doomols at „Beatle-Mania“ ütjliaset. An wan ham diaram teenkt, do hee’m miast gau jong wüfen uun hood, wat bi a konserten so laut skrei, det ham det musiik ei muar hiart, an wat a politsei turag hual skal, auer’s ölers üüb a Beatles luasgung.

Goat Girl

Diarmä spelet det britisk band Goat Girl so en betj üüb hör aanj website an uun det video tu’t stak „The Man“. Goat Girl as en skööl faan fjauer wüfen, wat temelk feinen rock maage an jüst ferleeden weg hör debüt-album ütjden haa. Wi haa diar letst weg uk al en stak faan hiard hi bi tjabelstünj, oober nü kön ham uk det hial album fu an uunhiar. An üüb hör website haa’k sen, det’s gans föl biljen haa, huar jong maaner üüb san, wat a politsei turag hual skal an wat gans trochenöler san, auer’s wel üüb en konsert faan Goat Girl san. Foonj ik gans witsig. Ölers as’t ei gans so witsig üüb’t album, uun a staken gungt at föl diar am, wat uun’t wäält uun’t uugenblak ferkiard gungt. Diartu paaset de dialwiis en betj jonk indie-rock, wat wilems uk en betj uun rochtang grunge-klasikern gungt.

Hinds

Goat Girl as oober ei det iansigst jong wüfelk rockband, wat ferleeden weg en album ütjden hee. Hinds haa uk hör album ütjden. Hinds san uk fjauer wüfen, jo kem oober ütj Spanien. Likes san’s jüst üüs Goat Girl witj wech faan Yeah-Yeah-musiik an love songs – uk wan at musiik heer ham ei so jonk uunhiart, man sogoor mä det lo-fi garage-rock sound föl muar en lachteren klang hee, diarföör oober uk ei so föl ufwaksling brangt üüs det album faan Goat Girl.

Labels & tour termiiner

Ik finj, det diarmä tau fein alben ütjkimen san, huar was för arken smaag tutmanst ian album diarbi as. Bial alben san bi’t label Rough Trade ütjkimen. Det sai ik uun de bidrach, oober det stemet ei. Bi Rough Trade Records san bluat Goat Girl ütjkimen, Hinds bi Lucky Number.

Goat Girl san iarst ens bluat uun’t UK an a USA onerwais, oober Hinds kem uk efter Tjiisklun: al uun tau weg san’s uun Hamborig (26.04.) an Berlin (27.04.)!

🇩🇪

Meine Musiktipps in dieser Woche: Goat Girl und Hinds. Zwei rockige Alben von zwei Bands, die ausschließlich aus Frauen bestehen und beide energiegeladen sind. Goat Girls Sound ist etwas rauher und kommt ernster rüber, aber auch feiner ausgearbeitet und abwechslungsreicher. Aber auch Hinds’ Musik macht mit dem Lo-Fi Garagenrock sehr viel Spaß.

1 Gedanke zu „Nei musiik: Goat Girl & Hinds“

Schreibe einen Kommentar

Details zur Verarbeitung deiner Daten bei einer Kommentarerstellung findest du in der Datenschutzerklärung (Abschnitt "Kommentare und Beiträge"). Die Angabe von Name und E-Mailadresse ist optional, es können auch Pseudonyme oder anonyme Kommentare hinterlassen werden.