Die Spione von Myers Holt

Die Spione von Myers Holt

Wan at nü en betj waremer wurt, do kön am jo uk gud bütjen sat an lees. Diarför hee Mareike en tip. Mareike, wat heest daaling mäbroocht?

Ik lees jå oueremätje hål böke, wat for e jööged schraawen san. Leest hääw ik deerfoon wider iinj leesen. Dåt wus „Eine gefährliche Gabe“ üt e trilogii „Die Spione von Myers Holt“.

Huaram gungt at diar?

Jüheer ra heet en wörklik intresant idee. Deer as et sü, dåt bjarne, wat tweelwen iir üülj san, besunere kreefte hääwe, wat di goowe håt. Daheere bjarne, weer’r besuners stark as, koone suk sååge as toochte leese, sååge ma jare toochte bewääge, oudere manschne unti tiire kontroliire än sü widere. For, ja koone jare hiile bräägen njüte. Wan ja tratäin wårde, as et forbai.

Okay, an wat du a jongen do mä detdiar spesjel kreeft, wat’s haa?

Dåt begant deerma, dåt for dörti iirnge en operatschuun ma en Team foon suk bjarne, wat for e britische gehiimtiinjst årbe, schiif gungt, än iinj bjarn ferslaawed wårt. Dörti iirnge lääser jeeft et ma e goowe önjsliike aw manschne, wat jütid deerbai wjarn. Deeram mååget di britische gehiimtiinjst jü schölj Myers Holt wider for seeks bjarne eeben, deerma ja liire jare goowe tu njüten än deerma ja for e MI 18 årbe, en gehiim berik foon e gehiimtiinst. Jüheer schölj wus nämlik for dörti iir slin wörden.  Ån foon daheere bjarne as Christopher Lane. Önj Myers Holt liirt’r en bunke ouer e goowe än liird ordi gau uk sååge, wat önjt schölj jarst önj huugere klase kaame. Än jüst for jül as et ål sü wid. Chris än da oudere schan jare goowe njüte än deerma di Premierminister, en schriwster än di Chef foon e gehiimtiinjst reedie.

An hü det ales ütjgungt, wat Chris uun Myers Holt belewet, det kön jam uun “Eine gefährliche Gabe” faan Monica M. Vaughan lees.

Genau. Än ik seed jam dåt – ik fün dåt iinje en lait truuri än junk, likefoole fröi ik me ål aw e näiste biinj, „Rache Undercover“.


Das Buch „Eine gefährliche Gabe“ aus der Reihe „Die Spione von Myers Holt“ handelt von dem Jungen Christopher Lane, der zusammen mit fünf weiteren Kindern an der Schule Myers Holt ausgebildet wird. Dort lernen sie ihre Gabe zu nutzten. Denn alle Kinder, zwischen ihrem 12. und 13. Geburtstag können ihr gesamtes Gehirn nutzen und deshalb Gedanken lesen, Dinge bewegen und Menschen und Tiere kontrollieren, manche mehr, manche weniger. Die Kinder von Myers Holt arbeiten außerdem für den britischen Geheimdienst und müssen bereits nach einigen Wochen einen Anschlag verhindern.

Schreibe einen Kommentar

Details zur Verarbeitung deiner Daten bei einer Kommentarerstellung findest du in der Datenschutzerklärung (Abschnitt "Kommentare und Beiträge"). Die Angabe von Name und E-Mailadresse ist optional, es können auch Pseudonyme oder anonyme Kommentare hinterlassen werden.