Instagram TV: Wat as det an wat as diar beeft?

Instagram TV: Wat as det an wat as diar beeft?

At jaft nei konkurens för YouTube an öler videoplatfoormen – oober, so grat an wichtig üüs YouTube as, kön eentelk irgentian produkt noch mä YouTube konkuriare, as det ei al det absolut nomer ian? An wat stäänt beeft det hial Instagram TV (of IGTV)? Wi wel üs det ens en betj beluke an diar am snaake.

Det fraage ik mi uk, of auerhood irgenthoker noch jin det nomer ian YouTube uunkomt – üüb at öler sidj bedüüdet det ja niks, wan ham bluat uun en uugenblak at nomer ian as – hü föl mobiltilefoonen jeew at uun a taudüüsener juar faan Nokia – an huar as Nokia nü? Üüb arke faal wurt at gans intresant teenk ik, wat ütj det nei tiinst Instragram TV wurt, so het nemelk det nei konkurens för YouTube. An ik liaw nooch, det det en betj potensjaal hee – tutmanst hee Instagram ja al föl lidj, wat at arke dai brük. Leet’s ens beluke, wat diar so beeft as.

Wat stäänt ’ar beeft, wat as nei an wat för’n chance hee IGTV?

At chance as liaw ik goor ei so ring, auer Instagram ja al en mase users hee, so det ham diar ei faan began starte skal. An gans so nei schocht det iarst ens uk ei ütj, küd ham teenk, wan ham det en betj nauer beluket, schocht ham oober: at as tatsechelk ianfach bluat en nei video-platfoorm, oober at as designed för’t mobil generasjuun.

Mobile first

Öler tiinsten kön’m uk üüb’t smartphone beluke, oober at fäält uk gliks ap: jodiar san designed för’t desktop-tidj. Wi haa normoolerwiis ja imer en briadbilj-formaat bi filmer. 4:3, 16:9 an so widjer. Det as för filmer was uk gans gud, am det blakfial gud tu falen. Sant at smartphones jaft an diarmä videos maaget wurd, jaft at oober uk föl videos, wat huuchkants filmet san. An diar komt nü Instagram TV, huar at bluat noch videos jaft, wat huuchkants san. Det jeew at ja tuföör uk al mä a kurt „stories“, wat ham diar poste küd, nü kön’m mä so en video oober bi tu en stünj tidj drei.

Anert’t ham nü uk, hü filmer maaget wurd an hü wi filmer uunluke?

Okay, oober liawst dü, det det wörelk wat as, hü wi uun a tukonft filmer beluke? Uun so en huuchkant-formaat feit ham ja ei so föl oner. As det ei muar wat för bloger an lidj, wat so of so al hör Instragram-kanaalen bespele?
Ik liaw, det as en gud formaat för döndiar lidj, wat bloge of wat so uk al hör Instagram-kanaalen bespele an uk för informasjuunen an inhualer, wat so en betj diartu konsumiaret wurd, also irgentwat, huar dü do uk noch wat ölers du könst, kurt videos am naachrachten tu’n bispal an öler updates, wat för lidj wichtig san. Ik kön mi ei föörstel, det IGTV anret, hü filmer maaget wurd. Likers as’t natüürelk en intresant eksperiment diarför. Ik haa diar tu’n bispal al en film sen üüb de kanaal faan de fernseensender arte, wat ütj at perspektiif faan en iPhone filmet wurden wiar. Ham schocht ei det tu aanj filmet an klapt video, wat mä’t iPhone maaget wurden as, man tatsechelk det lockscreen, det tastatuur, wan hoker uunrepen wurt, det app, huarmä fotos an videos maaget wurd an so widjer. Diarför as det nei formaat faan Instagram natüürelk genau rocht, auer ham so de iindrük feit, det ham salew det ales jüst belewet üüb’t aanj tilefoon. Oober de film spelet uk mä kurt naachrachten, wat ham üüb’t smartphone feit of wechstjüürt. An at wiar mä knaap auer tjiin minüten uk ei so lung. För en rochten spalfilm kön ik mi det formaat ei föörstel.

Heer as de film bi arte:

Noch einmal kurz auf Deutsch

Instagram TV heißt ein neuer Dienst, der bisherigen Videoplattformen wie YouTube Konkurrenz machen könnte, allein weil Instagram sowieso schon ein Social-Media-Schwergewicht mit vielen Nutzer*innen ist.

Und hier wird von den Nutzungsgewohnheiten am Smartphone ausgegangen, nicht mehr vom klassischen Breitbildformat, sondern alles ist jetzt hochkant. Ich glaube, das ist ein praktisches Format, was sich für kürzere Inhalte und Formate, die gut nebenbei laufen, etablieren kann. Dass bald Kinosäle umgebaut werden und der Fernseher zuhause auch in hochkant gedreht wird, weil wir bald alles nur noch hochkant sehen werden, das glaube ich nicht. Trotzdem gibt es spannende Versuche mit dem Format wie zum Beispiel einen Film, der bei arte (unter anderem) auf Instagram TV zu sehen war (über der deutschen Zusammenfassung).

Schreibe einen Kommentar

Details zur Verarbeitung deiner Daten bei einer Kommentarerstellung findest du in der Datenschutzerklärung (Abschnitt "Kommentare und Beiträge"). Die Angabe von Name und E-Mailadresse ist optional, es können auch Pseudonyme oder anonyme Kommentare hinterlassen werden.