Noch ens am konst an moraal

Noch ens am konst an moraal

För hög weg haa’k heer al diar am snaaket, det at bi det musiik-streaming-tiinst Spotify nei regulaarien jeew, huar troch hög lidj, wat musiik maage, ei linger uun a kuratiaret playlisten faan Spotify tu finjen wiar. Diar as fööraal imer am R. Kelly snaaket wurden, huar faan ei linger musiik iin uun a playlisten kaam, auer hi uunklaaget wurden as för seksuel masbrük.

Konstwerk ≠ at persuun, wat at maaget hee?

Üüs ik diar am snaaket haa, haa ik uk noch ens diar üüb henwiset, det at wilems ei so lacht as, en konstlerisk werk faan det persuun, wat det skaafet hee, tu trenen. Eentelk skul det ja lacht mögelk wees, oober fölsis hiart at persuun ja uk en betj mä tu’t konstwerk. An irgenthü as det was uk bi Spotify ei gans so ianfach weesen, diar en klaar linje tu finjen. At jeew tutmanst protest an kritik an Spotify hee nü salew uk saad, det a regulaarien ei klaarenooch formuliaret wiar an ham det ales weler en betj lokrer sä mei, auer ham een ei üüs rachter apfeer mei, so skriiw’s det salew uun hör blog.

Üüb arke faal nian diskriminiaring an nian hate speech

Gans saner kontrole gungt at oober uk ei widjer. Spotify hee henwiset, det diskriminiaring an hate speech üüb arke faal ei toleriaret wurd an ei mä iin uun’t musiik-kataloog mut. Diarmä konsentriaret ham een also muar üüb det werk salew, wat ik persuunelk för en gans guden wai hual. Likers schocht at so ütj, üüs wan det R. Kelly oober uk ei halept. At radio-netswerk NPR berachtet diar am, det R. Kelly sin musiik ei weler iin uun a kuratiaret playlisten turag kimen as.

noch ens üüb tjiisk

Vor kurzem ging es hier schon einmal um das Thema, dass der Musik-Streaming-Anbieter Spotify moralisch fragwürdige Künstler*innen aus kuratierten Playlisten ausgeschlossen hat. Wegen unpräziser Formulierung der Grundsätze, nach denen Spotify da gehandelt hat, und großer Diskussion um das Thema hat Spotify sich nun wieder ein Stück geöffnet, bleibt aber hart, wenn es an tatsächlich diskriminierende und Hate-Speech-enthaltende Inhalte geht. Mehr dazu und Spotifys Stellungnahme findet ihr auf unserer Website.

Schreibe einen Kommentar

Details zur Verarbeitung deiner Daten bei einer Kommentarerstellung findest du in der Datenschutzerklärung (Abschnitt "Kommentare und Beiträge"). Die Angabe von Name und E-Mailadresse ist optional, es können auch Pseudonyme oder anonyme Kommentare hinterlassen werden.