Beweerte, hü gud ham bi di wel keer kön

Beweerte, hü gud ham bi di wel keer kön

Wi haa för tau weg al ’ar am snaaket, det at uun Berlin jüst det projekt „Abstandshalter“ jaft, huar bi meeden wurt, hü naar welen faan autos auerhaalet wurd. Wan jam det intresiaret, finj jam det noch üüb üüs website. Hü jo lidj, wat wel keer, jo oober salew feel, det kön det projekt natüürelk ei meed. Diarför jaft at oober en öler kampagne, wat ark ööder juar faan de ADFC, de algemian tjiisk wel klub, trochfeerd wurt: de Fahrradklimatest. An det as nü weler so witj, faan September bit aanj November kön’m diar mämaage.

En amfraag, am tu lukin, hü tufrees lidj uun arke steed of gemeend san

De Fahrradklimatest as en amfraag, huar bi at diar am gungt, hü tufrees ham diarmä as, hü at infrastruktuur an seekerhaid för welen an lidj wat wel keer as – an nemelk diar uun det steed of gemeend, huar ham wenet. Also, of ham tu’n bispal mä a welwaier tufrees as, of diar bi a boonhoof noch plaats för welen waant an hü seeker ham een fäält. Das juar jaft at en fokus diarüüb, hü familjen-frinjelk at uun steeden as.

Ik finj at faan’t prinsiip gans gud, auer fersoocht wurt, faan arke steed det steming iintufangen an en auerblak tu fun, huar ham noch muar för welferkiar an lidj, wat wel keer, den skul.

Mämaage

Arken kön diar mämaage üüb fahrradklima-test.de, huar jam uk noch muar informasjuunen fu.

Noch ens kurt üüb tjiisk

Der ADFC (Allgemeiner Deutscher Fahrrad Club) Fahrradklimatest ist wieder gestartet. In dieser Umfrage könnt ihr bewerten, für wie gut und sicher ihr die Verkehrsinfrastruktur für Fahrräder bei euch vor Ort haltet.

 

Schreibe einen Kommentar

Details zur Verarbeitung deiner Daten bei einer Kommentarerstellung findest du in der Datenschutzerklärung (Abschnitt "Kommentare und Beiträge"). Die Angabe von Name und E-Mailadresse ist optional, es können auch Pseudonyme oder anonyme Kommentare hinterlassen werden.