Kategorien
Deutsch Frasch Programm

Anzac Day

Di schungster Eric Bogle süng önjt iir 1971 dåt stuk „And the Band played Waltzing Matilda“, weer et am austraaliere önj e jarste wråålskrich gungt. Deerbai snååket hi uk am en däi, weer et paraade jeeft än saldoote marschiire. Deerma as di Anzac Day tu e 25. April miinjd, wat en tånkdäi for e düüdje foon e slåcht foon Gallipoli as.

ANZAC stoont for Australian and New Zealand Army Corps. Deerma as en floose foon saldoote üt Australien än Naisiielönj miinjd, wat önj e jarste wråålskrich keempeden.  Än ja wörden seelew uk Anzacs nåmd, sü as jare Corps.

Önj Australien jeeft et di Anzac Day ål sunt 1916. Hi wörd ma e tid aw åle düüdje saldoote üt Australien än Naisiielönj ütreeked, wat önj kreege än militäärische operasjoone düüdj mååged wörden. Önj diheere däi jeeft et önj Australien tånkstüne eeder di mjarn (awt bil schucht’m sü en tånkstün) än da militäärfliiger wise demonstrasjoone ma jare fliigere. Bütedåt san’r paraade foon lunsaldoote än nuch mör organisasjoone än foon krichveteraane.

Önj Naisiielönj as et lik. Heer jeeft et di däi sunt 1920. Deer san uk tånkstüne än paraade foon e politii, e brånwäär, e stridkreefte än nuch mör organisasjoone.

Tuglik as et mån uk en däi, weer poliitische floose protästiire. Önj Australien kritisiirt jü freesebewääging diheere däi ål sunt 1960. Lääser protästiirden manschne iinj e Vietnamkrich än önj e 1980er iirnge uk femiinistine. Hu manschne tånke uk deerouer eefter, wat di Anzac-däi da junge manschne bedüüdet. Ja liiwe, dåt ja’n ai mör sü ålwri naame.

Jü slåcht foon Gallipoli heet ålsü en gruten indrük aw e manschne önj Astralien än Naisiielönj hädj. Än dan jeeft et uk nuch di Anzac-Spirit. Deerma as en fäil foon tuhuupehüülj än nasjonåålstult miinjd, wat eefter e slåcht foon Gallipoli önjtstiinjen as. Dåt kamt deerfoon, wat’m ouer e saldoote önj diheere slåcht säid. Ja wjarn taper än wanlik, häin döre än goue infåle, hülen wat aw måkerschap än ferhülen ham en lait as en schålk. Huum hålt tuhuupe, uk wan et swiiri wårt än heet hoow.


Das  Lied „And the Band played Waltzing Matilda“ von Eric Bogle handelt neben der Schlacht von Gallipoli von dem Anzac Day, einem Gedenktag für die Gefallenen dieser Schlacht. Er wurde mit der Zeit auf die australischen und neuseeländischen Gefallenen aus allen Kriegen und Militäroperationen ausgeweitet. An diesem Tag finden Flugdemonstrationen und Paraden statt, unter anderem  von den Streitkräften, Polizei, Feuerwehr und Veteranen.

Der Tag wird aber seit längerer Zeit von der Friedensbewegung kritisiert und es finden Proteste statt. Außerdem überlegt man, was er den jungen Leuten bedeutet, die ihn nicht mehr so ernst nehmen würden.

Der Anzac Day und die Schlacht von Gallipoli haben jedenfalls einen großen Eindruck auf die Australier und Neuseeländer gemacht, der sich auch im Anzac-Spirit zeigt. Dabei geht es um Eigenschaften, die man den Soldaten aus dem 1. Weltkrieg nachsagt, unter anderem Zusammenhalt, Ausdauer und Zuversicht.


Bild: Gnangarra, Creative Commonsby 2.5 au, via wikimedia commons

Eine Antwort auf „Anzac Day“

Kommentare sind geschlossen.