Kategorie: Sendung

Föl kreeft kön’t das weg jeew: wi haa a fjuard mei an a wäältwidj dai för’t laachin. Laachin maaget sünj, diar fu’m al so’n betj kreeft, oober wat as mä a fjuard mei? De dai hee wat mä Star Wars tu dun. Huaram, fertäält Franziska jam an wiset jam diarbi at hial meecht faan troch Star Wars inspiriaret musiik. An diartu snaake’f noch am’t nordfriisk teooter, huar’f ferleeden weg ale tu en föörsteling wiar.

Natüürelk jaft at diartu uk ei bluat uun Wat en Leedji fortelt fein musiik, tu’n bispal musiik faan det sampler „Universal Love – Wedding Songs Reimagined“, huar üüb klasisk bradlep staken ütj en queer perspektiif nei apnimen san, an nei musiik faan Drangsal. Jam finj det ales uk üüb üüs playlist, diarmä’m det noch ens uunhiar kön!

Wir plaudern über unseren Theaterbesuch beim Nordfriisk Teooter vergangene Woche, über den Weltlachtag und von Star Wars inspirierte Musik. Möge die Macht mit euch sein!

Spiitig för dönen, wat nü harewst haa: das weg as de internasjuunaal dai för buumer – an tutmanst heer bi üs uun madeleuropa komt det ja jüst tu rochter tidj, nü diar ale buumer green wurden san an fölen uk bloosne! Am de dai snaaket Mareike das weg an fertäält jam, wat för’n buum juarling buum faan’t juar as. Hauke luket efter Grat Britanien – ei auer’s diar jüst en letj fingen haa uun’t köninglik familje, man auer’t diar uun’t uugenblak föl protesten jaft för dön lidj, wat för föftig juar an muar ütj a ual koloniien iin uun’t lun kimen san an nü probleemen mä’t regeering haa. Wat en Leedji fortelt as das weg en betj ölers üüs jam det wenet san. Franziska snaaket ei am en spesjel stak, man am museeums, wat at för musiikstaken jaft.

Diese Woche mit dem Tag des Baumes, Protesten in Großbritannien gegen die Ausgrenzung einer bedeutenden Migrant*innengeneration und Museen, die für Lieder gemacht wurden.

Wi haa das weg en teemenmiks, wat ham ei so gud oner een hud feit: at gungt bi Mareike am’t apfinjen faan LSD, wat eentelk gans witsig wiar, oober uk am temelk iarenst teemen, nemelk am de apstand uun’t geto faan Warschau an hü a lidj diarefter ambroocht an deportiaret wurden san. Diarfaan haanelt det stak bi Franziska uun Wat en Leedji fortelt. An Hauke snaaket diar am, wat ham mä spriak ales transportiare kön, an huaram at wichtig as, en betj üübtupaasin, hü ham snaaket – auer’t diar gans aktuel bispalen för jaft, huar det ei so lokelk ütjgingen as.

Ein sehr breit gestreutes Programm erwartet euch diese Woche bei uns, denn wir reden heute über LSD, das Warschauer Ghetto und Sprachkritik.

Ales föl mä ruusen heer! För tjiin weg haa’f begand, ark sending en aanj bilj tu dun, diarmä üüs website an üüs playlisten heer an bi Apple Music an Spotify noch en betj smoker ütjsä. Diarbi jaft at arke tjiin weg en nei motiifidee. Faan tjabelstünj nomer 70–79 wiar det mönstern an at jeew fein biljen, wat Wendy för üs moolet hee. Faan tjabelstünj nomer 80–89 haa’f nü ruusen för jam – an det paaset ja uk gans gud tu detheer tidj, huar nü ales tu bleuen begant. Tu det tidj an tu de wos, wat nü entelk kimen as, paaset uk gans gud, huar wi das weg am snaake wel.

För ale faan jam, wat bi det gein weder hal efter bütjen gung, am oner en buum, üüb’t balkon of bi a strun en betj tu leesen, haa’f en literatüürtip faan Mareike. Hat hee en buk mäbroocht, huar uun at am jongen gungt, wat gans spesjel kreeften haa, huarauer’s uk för’t gehiamtiinst werke skel. An dönen, wat ei at hiale juar wel keer, man bluat, wan’t warmer wurt, marke ferlicht, det’s jo üüb wel-stripler, wat üüb struat moolet san, ei so sääker feel. Diarmä san’s ei alianing, hü Hauke uun ferkiar an mobilitäät berachtet. Alianing wiar jo lidj was ei, huar am at uun salem 137 döörtig gungt – man widj wech faan aran an was uk ei tufrees, auer’s nemelk ferslebet of deportiaret wurden san. An wat eentelk en klaagestak am detdiar histoore oober uk jin at waastelk wäält wees skul, as do jüst tu den jindial wurden, küd ham teenk: nemelk en graten hit uun’t disco-tidj, hü Franziska uun WAt en Leedji fortelt ferklaaret.

An fein musiik haa’f uk mäbroocht: faan frisk an nei rock-musiik faan tau wüfelk bands bit hen tu en fein folk band, wat nei ütjfünjen wurt, haa wi uk wat, wat jam noch üüb jau playlists för’t grilin du kön – auer naist wegaanj gungt at wel widjer mä’t warem weder!

Gute Musik für eure Grill-Playlists haben wir eh. Aber wenn euch nach dem Grillen noch nach einer old-fashioned Discoparty zumute ist, dann hört mal rein, was Franziska in Wat en Leedji fortelt über die Hintergründe zu einem der bekanntesten Discohits erzählt. Mareikes Buchtipp singt oder liest sich nicht selbst vor, aber trotzdem geht es auch darin nicht leise zu: Kinder (Jugendliche?) mit besonderen Fähigkeiten werden für die Terrorabwehr des Geheimdienstes eingesetzt. Und damit es keinen Krach auf der Straße gibt, sollte besser noch einmal genau über Fahrradwege nachgedacht werden, meint Hauke in ferkiar & mobilitäät.

Wi san das weg mä’t tjabel-tsuch onerwais faan Chattanooga bit hen tu Montreal an haa föl bekäänd lidj an hör musiik uun buurd – tu’n bispal gans nei musiik faan Goat Girl an of Montreal. Man eentelk gungt at spektrum bi üs faan Doris Day (* 03. april 1922) bit Nirvana (Kurt Cobain † 05. april 1994). Det wurt en gans intresanten miks, huar am at ham das weg alian al luanet, at radio ens weler aptudreien of tutmanst at musiik uk ens uun üüs playlist uuntuhiaren, diarmä üüs tsuch uk bi jam föörbi komt. Oober at blaft ja ei diarbi, det wi bluat musiik spele, wi snaake uk am en klasiker, wat mä en bekäänden tsuch tu dun hee. An det as ei Jim Knopf sin Emma of det ual „City of New Orleans“, man en ölern tsuch, wat uk Udo Lindenberg inspiriaret hee. Det stak jaft at neemelk uun trii gans onerskiaselk versjuunen, wat ale mä’t tsuch-keeren tu dun haa, oober likes wat gans ölers sai wel. An wan wi al bi’t teema ferkiar san, wel’f diar uk noch am snaake: ferkiarsplooning uun Helsinki. Diar wal’m nemelk struaten turag bau, diarmä at maner ferkiar jaft. Hiart ham ferükt uun? Do hiar’m ens tu!

Ein ganz breites Spektrum in dieser Woche mit Musik von Doris Day bis Nirvana, aber auch neuen Sachen von z. B. Goat Girl und of Montreal. Es lohnt sich also allein deswegen schon, das Radio mal wieder anzuschalten oder sich durch unsere Playlist zu hören. Und wenn ihr euch alles anhört, erfahrt ihr auch etwas über einen der wohl bekanntesten Züge der Musikgeschichte. Das ist nicht Jim Knopfs Emma, auch nicht „City of New Orleans“, sondern der Zug, der auch Udo Lindenberg zu seinem Sonderzug inspiriert hat – das ist aber nur eine von drei ganz unterschiedlichen Versionen. Und ganz ohne Musik geht es nach Helsinki. Dort gibt es Pläne, Straßen zurück zu bauen, damit es weniger Verkehr auf den Straßen gibt. Klingt komisch? Dann schaltet ein und hört euch das alles an.

Miau! Weensdai, de 28. marts, as de amerikoonsk respect your cat day. Also wees’em gud tu ale kaater! Hal wul wi ian stünj en letj kaat kraule an bluat tuharke, hü’t snoret – oober wi haa wat ölers uun’t program: Karl May hee freidai san sterewdai, Franziska fertäält üs, huar am at uun’t stak „Born in the USA“ gungt an wi snaake am en persuun, wat ferleeden weg en temelk guden iindrük maaget hee.

Wir melden uns mit einer neuen Ausgabe am amerikanischen respect your cat day, an dem wir uns allerdings nicht um Katzen kümmern, sondern um den Todestag von Karl May, den Hintergrund zu dem Lied „Born in the USA“ und um eine Person, die letzte Woche einen ziemlich guten Eindruck hinterlassen hat.

Jüheer waag drait et ham heer bai üs deeram, dåt kjarls, unti önjt gehiilj manschne, wat foont selschap as stark sänj wårde – än dåt san ja kiiwenooch åltens nuch fort mååst kjarls – wilems foole probleeme hääwe, wan’s am fäile snååke schan. Ouers dåt as ai åles, dåt gungt uk nuch am iirdeege, en comic ma Good än en jöösisch musical.

Apropos musical – schük jam det musiik ütj üüs sending? Luke jam doch ens üüb üüs playlist #77!

Diese Woche reden wir darüber, wie über Gefühle (nicht) geredet wird, hören etwas aus einem jiddischen Musical, haben einige Geburtstage auf dem Zettel und einen Comic-Tipp parat.

Wi haa en nei seerientip för jam, huar uun at am en üntufrees düüwel gungt, wat wech faan a heel wal. Diartu weler muar nei musiik, huar wi am snaake, tu’n bispal noch en nei stak faan Beach House, muar konsert-tips an en nei album faan’t band Imarhan. Det wiar bit nü ja noch ales lastig. Wi snaake oober uk am iarnster teemen üüs a grip – an diar sogoor am en temelk ring suurt diarfaan – an ideen, wat ham jin smog faan autos an tuföl ferkiar du küd.

In dieser Woche haben wir einen neuen Serientipp für euch, bei dem es um einen sehr unzufriedenen Teufel geht, in der Playlist steckt viel neue Musik, über die wir auch ein bisschen sprechen wollen und ganz ernste Themen haben wir auch: eine sehr harte Grippewelle und Ideen, was gegen zu viel Autoverkehr getan werden könnte.