Das weg snaake wi am en musikaalisk krüsfaart – en festival üüb sia.
Fiiw daar festival üüb sia
Det skotisk band Belle and Sebastian hee al för en linger tidj bi hör fans efterfraaget, of’s intrese hed, so wat tu dun an nü as’t luasgingen, det ham koorden kuupe kön för det event. Gans so gondtig as’t oober ei. At festival-skap as faan a aachst august bit tu a twaalewst august onerwais tesken Barcelona an Cagliari üüb Sardiinien, also uun’t gehial fiiw daar. A Early Bird Tickets wiar gans gonstig, oober nü koostet dat en mase jil. At luanet ham, wan ham ei alian as, auer’t diar en betj gonstiger wurt, oober ham kön uk auer seeksdüüsen euro för ian persuun betaale.
650–6500 €
Auer 6000 € koostet det tocket oober uk bluat do, wan ham det Family Penthouse Suite för een alian buke wal. Ölers koostet det för ian persuun, wat alianing raiset, tutmanst am an bi taudüüsen euro, för sköölen faan fjauer lidj bluat noch am an bi 670 euro pro persuun.
Ham feit wat för’t jil
An jo grat skeb san uk goor ei so amwäält-frinjelk. Diar jaft at so tu saien uk noch en moraalisken pris. Likers hiart’t ham efter en intresant idee uun, en festival üüb en skap tu maagin. An at jaft ja ei bluat musiik faan Belle and Sebastian. Diar san uk Yo La Tengo, Django Django, a Buzzcocks, Hinds, Mogwai an noch föl muar. Also ik wul sai, ham feit uk en betj för det jil, auer ham ja ei bluat en festival beschükt, man uk en letj rais feit. Likers wal ik diar liaw ik ei hen, auer’t mi dach en betj tu jüür as, oober wan jam grat fans faan a bands san, do luanet ham det was för jam.
Alternatiif
Wan jam ei siakraank wurd. Do wiar det natüürelk gans ring investiaret jil. An wan jam krüsfaarten gans dom of ünhiamelk finj of traurig san, det jam ei mäkön, do luke jam ens iin uun üüs arkiif, huar at en ääleren bidrach jaft am hiarspal-seerien. Diar haa’f uk am „The Cruise“ snaaket, en gans fein hiarspal, wat üüb en krüsfaartskap spelet.
Muar diartu
Muar am’t festival finj’m üüb’t website theboatyweekender.com
Nochmal kurz auf Deutsch
Die Band Belle and Sebastian hat eine ganz besondere Kreuzfahrt organisiert, die nächstes Jahr im August von Barcelona nach Sardinien geht.
Es geht um ein Musikfestival auf dem Wasser und so wie es sich anhört, scheint das eine ziemlich coole Party zu werden mit vielen interessanten Künstler*innen – aber auch ziemlich teuer. Mindestens 670 € kosten Tickets, die im Moment noch verfügbar sind und die Preise gehen rauf bis über 6000 Euro. Aber dafür kriegt man dann auch die Family Penthouse Suite für sich allein.