At as nofember – det het uk: at as movember. Hoker uun nofember muar an muar lidj mä en snorbiard sjocht, säär ham ei wonre. Det as san’t 2003 arke juar so an hää uk en grünj. Movember – en miskang ütj det iingelsk wuurd ‚moustache‘ (snorbiard) an di muun ’november‘ – as en aksjoon wat uun austraalien begand wurden as. Diarbi gungt at diaram jil tu samlin, wat tu organisasjoonen gungt, wat för’t sünjhaid faan maaner werke. Det jil wurt föraal uun a forskang faan stian- an prostatakrääft stäächt. At gungt oober ei bluas am krääft, det jil gungt uk tu psychologisk projekte, auer – hü üüb www.movember.de tu leesen as – trii faan fjauer lidj, wat jo aambring, maaner san. Sodenang wurt diar uk wäärs üüb laanjen.
Nü stelt ham det fraag: wat brangt det, wan maaner en biard dreeg, an hü komt diarbi jil tuup? Ham koon en üüb det sidj www.movember.de uunmelde, an do koon jo lidj uun de nööm faan een jil spende. Lidj wat en üüb di snorbiard uunsnaake, koon am ferklaare, wat det gansa skal an do koon arken jil du. Natüürelk säär ham een ei uunmelde, jil du gungt uk ianfach so. Übj det sidj koon ham do sä, hü föl jil tuup kimen as. Det as en letj ekstra motivasjoon, am muar jil tu samlin. Diar sjocht ham uk, hü genau det jil apdialt wurt an huar’t hen gungt. Ham koon een uk mä sin maanskap diar uunmelde, det du uk een mase lidj tu’n bispal a huunbaaler ütj Flenborig.
San’t 2003 san uun’t gehial auer 540 miljuun euro tuupkimen. An jil tutudun as jüst so lacht üüs online dingen tu kupin, wat ham ei brükt.
2003 wurde die gemeinnützige Aktion „Movember“ ins Leben gerufen. Dabei geht es darum Geld zu sammeln, das der Forschung rund um die Gesundheit des Mannes zugutekommt. Das Geld geht in die Hoden- und Prostatakrebsforschung, aber auch in Projekte rund um die psychische Gesundheit, da laut Movember drei von vier Suiziden von Männern begangen werden. Mit dem tragen eines Schnurbartes (Moustache) soll auf die Aktion, die jedes Jahr im November besonders beworben wird, aufmerksam gemacht werden. Wie genau das Ganze funktioniert und wie man einen Beitrag leisten kann ist nachzulesen unter www.movember.de .
Also: bring back the stache!
Bild: naishh, Creative Commonsby-sa 2.0, via flickr