Ik haa daaling en musiktip diarbi, wat al en betj ääler as, huar ik oober noch üüb henwise wul, auer ik letst iarst noch en konsert faan ham hiard haa: faan Piers Faccini. Hi as aanj fiartig an hee al hög muar alben ütjden. Üüb sin letst album „I Dreamed an Island“ faan 2016 gungt Faccini turag iin uun a tidjen, üüs Sizilien nian symbol för en flüchtlingskatastroof uun a madelsia wiar, man för en harmonisk mäenöler faan lidj faan onerskiaselk kultüüren an religjuunen – so üüs ham sait, det at uun’t madeläälerns weesen wiar. So mikset ham uk det singer-songwriter-sound faan Faccini tup mä arabisk an madeläälerns instrumenten, at wurt ingelsk, italjeensk, siziljeensk an araabisk schüngen. Oober at as ei ales bluat en ferdremt reis turag. Uk a probleemen an surgen faan daaling wurt neemd. Uun’t stak „Bring Down the Wall“ tu’n bispal. Was küd ham det uk so ferstun, det arken a müüren uun sin aanj hood iinriiw skul, at as oober för’t beeftgrünj apkimen, det Donald Trump en müür tesken a USA an Mexiko bau wul an protestiiret diarjin.
Mein Musiktipp heute ist schon vor knapp zwei Jahren erschienen, mir aber erst neulich nach einem Konzert so richtig aufs Radar gekommen: Piers Faccinis Album „I Dreamed an Island“, eine musikalische Reise im Singer-Songwriter-Folk, die alle mediterranen kultureinflüsse mit einbezieht und an ein friedliches Miteinander appelliert.
Bild: Piers Faccini © Olivier Metzger/piersfaccini.com