Kategorien
Deutsch Sendung Sölring

Lichtspiel

Nü gair dit jaa weđer luas, me di trēr Reeg fan „Babylon Berlin“. Gurt Skelter, Iinbliken iin ön di Ofgrünen fan en Gurtstat, en Selskep söner Maal, diartö da en Filmmusik, wat di Tölukers iin ön di Hanling tair – di Maakern fan di Seerie teekeni en spanend Skelt fan di leet Gul Twuntiger Jaaren. […]

Kategorien
Deutsch Fering/Öömrang Programm Sendung Sölring

#200: tesken Hawaii, harewst & en jonken zoo

So keen jam det faan tjabelstünj: trii teemen, wat so goor ei tup paase, huar jam oober likes en fein stünj mä ferbring kön. An det – diar wel’f kurt ens üüb henwise – das weg nü al tu’t 200. feer! Auer a letst fjauer juar san diar nü dach hög tjabelstünjen tup kimen. Diarauer wel’f heer […]

Kategorien
Fering/Öömrang Mä Marret & Hauke üüb’t suufa Sendung

Al weler trii weg ual

Wi haa üs wat neis auerlaanjen: nü san wi (Marret an Hauke) bluat noch arke öler weg tu hiaren, diarför oober uun en aanj formaat: Mä “Marret & Hauke üüb’t suufa”.

Kategorien
Deutsch Fering/Öömrang Sendung Sölring

#161: Adjis, 2019!

Wi snaake noch ens am jul an wat lidj för puan diarmä haa (of uk ei), wat das juar so uun a streaming tiinsten spelet wurden as an huar’m noch so am snaaket, wan a feierdaar diar san.

Kategorien
Sendung

#160: 12 daar föör jul

At san noch am an bi 12 daar bit jul an jüst am sok twaalew daar gungt at das weg uk bi Wat en Leedji fortelt. Uun detdiar stak wurt wel nooch faan a 12 daar efter jul snaaket, oober det as för üüs show notes ja nü ei so wichtig. Huar wi das weg uk noch üüb luke, san filmer an seerien, wat för üs üüb arke faal tu’t fulfest diartu hiar – föör, am an efter jul. An bi detdiar teema san wi uk üüb det fraag kimen, huaram lidj uun (föör aal amerikoonsk?) filmer oofting a skuar uunbehual – sogoor wan’s üüb’t suufa of baad sat.

Kategorien
Deutsch Fering/Öömrang Sendung Sölring

#159: jul aueraal

Adwentskalendern, jul-shopping, jul uun’t fernseen bi Dr. Who, jul uun’t musiik mä Rudolph bi Wat en Leedji fortelt – jul as aueraal. An a Nikolaus komt.

Kategorien
Deutsch Fering/Öömrang Sendung Sölring

#158: iidjen an filmer tu jul

Suutjis komt jul imer naier an uk wan noch nooch tidj as, am a miast presenten tu kuupin (hööbe wi tutmanst), jaft at aueraal al föl tu iidjen an tu dranken, wat för üs tu’t julfest diartu hiart. An jüst diar am gungt at das weg: hü smeekt a wonter an wan nerfet a julmarkels ianfach bluat noch? Wat uuntesken uk tu’t jultidj mä diartu hiart, san nei Star Wars filmer. Hör efekt üüb’t musiikaalisk popkultüür wurt das weg bi Wat en Leedji fortelt naier trochnimen.

Kategorien
Deutsch Fering/Öömrang Sendung Sölring

#157: triisis trii fraageteeken & 1 Leedji

Sant fiartig juar jaft at a trii fraageteeken uuntesken. Diarauer gungt at das weg gliks triisis (ei fiartigsis, det haa’f ei skaafet) am det, wat dön trii dringer ütj Rocky Beach so belewet haa – an wat’m mä jo üüb a büünen uun hör shows belewe kön. An diarmä’t uk bi üs so en betj tradisjuun an wat konstantes jaft, haa’f uk das weg en nei episood faan Wat en Leedji fortelt, das feer am en ual ingelsk stak.

Kategorien
Deutsch Fering/Öömrang Sendung Sölring

#156: Berliner Müür, det fernetset aran & en krimi ütj Sleeswig-Holstian

Wat en Leedji fortelt luket efter freihaid, Mareike hee en buktip am en krimi, wat uun Sleeswig-Holstian spelet an Hauke snaaket am gud an ring saagen, wat smart homes mä jo bring.

Kategorien
Deutsch Fering/Öömrang Frasch Sendung Sölring

#155: pöpin, jil & Babylon

Am jil mut’m ei snaake? Du wi likes. Lidj schong uk am Babylon – det hed’t iarer uk ei jewen. Oober mä pöpin wurt imer spelet.