Dåt leest waagiinje [Oktoober 2018] wus dåt fresk harfsthuuchschölj, wat arks iir as. Deer drååwe ja manschne, wat frasch snååke unti et liire, än et jeeft workshops. Iinj deerfoon wus marionette spaalen än deer hääwe da diiljnaamere liird, hü en marionette ham rääre koon. [O-Toon] Da marionette kaame foon Sal, Maren Jessen häi ja mabroocht. […]
Kategorie: Frasch
Åle baidrache aw frasch/mooring
Am jil mut’m ei snaake? Du wi likes. Lidj schong uk am Babylon – det hed’t iarer uk ei jewen. Oober mä pöpin wurt imer spelet.
Leew lidj, at dee üs würelk iarig – det letst sending faan üs küd üüb Kiel FM ei sendet wurd, auer … joa … wi haa ferjiden, det sending tu a sender tu stjüüren. Noch ens skal üs det so gau ei malööre, oober wan jam üs heer uunhiar, as det ja so of so nian probleem för jam.
Das weg haa’f tau buktips för jam an noch en betj wat tu’t amwäält an kliima. Ian faan a buken spelet uun a iarst wäältkrich, huar’t uun’t buk oober gans ölers ütjschocht üüs at domools ütjsiig. Det öler buk komt ütj en kult-seerie am trii detektiiwen, wat jüst a tauhonertst faal bewerket haa, „Die drei ???“. Natüürelk snaake wi oober uk kurt am det hiarspal-fulig diartu an diar am, wat ham du kön, wan ham ens en rais mä en fliiger maage skal, oober eentelk lefst doch goor ei so föl CO2 diarbi maage wal.
Spiitigerwiis wiar de tiitel dranken uun’t gemianskap, perspektiiwwaksel uun’t konsert & podcasts uun’t somerpaus tu lung weesen. Oober jüst det as’t, huar at das weg bi üs am gungt. En miks ütj det, wat wi a letst daar so belewet haa, recherche am staken an tips för a somer. Apropos somer, heer komt en wichtigen […]
Nirgenthuar wurt at das weg so rocht meekelk bi üs an doch wal’m uk ei ütjnei – bi Wat en Leedji fortelt haa wi en anti-krich-stak, det oober uk gans fein as, at jaft en nei smartphone-spal, huar uun föl monstern san, likes maaget at en mase spoos, Mareike hee en ual iidjwaarenskandool ütjgreewen, huar bi at am solts an rocht eekelk saagen ging, an aktuel jaft at en nei seerie, wat mä en ünhiamelk dystopii werket, man ham hee uk spoos bi’t lukin. Haa jam uk föl spoos bi’t tuharkin!
Eedelstianer san ei wörelk det teema bi üs das weg – oober jo san uk ei gans ünwichtig. Wi haa nemelk en buktip faan Mareike, föl muar en rä faan buken, wat ale efter eedelstianer nemt san. At gungt uk ei direkt am a USA, oober am en stak, huar uun schongen wurt, det hoker uun a USA bäären wurden as. Of det so patriootisk as, üüs ham det tuiarst uunhiart, fu wi bi Wat en Leedji fortelt tu weden. An do haa’f uk noch üüs festival-tips, wat wi ferleeden weg al ferspreegen haa mä üüs faworiiten ütj ale line-ups.
Loftpompen kön gans ianfach an dom wees, wan’s waant, oober diar stäänt doch noch föl muar diarbeeft. Franziska hee nü salew belewet, det en loftpomp ei ianfach bluat en loftpomp wees skal an hat hee’m ens mä det hial temaatik am loftpompen ütjnöler saat – an diarbi uk gans lustig saagen ütjfünjen. Ölers hee Mareike det ferleeden weg ferbroocht. Hat hee det preskonferens faan’t spalenmese E3 ferfuligt an komt ei bluat mä aktuel infos diarfaan, man uk mä öler grat news: at jaft en nei stafel faan’t Clone Wars seerie. An bi Marret an Hauke dreit ham das weg ales am’t wenin üüb letjen grün – an of’t för jo mögelk wiar, uun en tiny house tu wenin.
We hääwe en iirdäi foon e Carmina Burana, dåtheer wärk foon Carl Orff wårt nämlik jarling 82 iir üülj. Än wat en leedji fortelt hoonelt foon en jiddisch stuk ma e noome dos kelbl, wat ham uk as donna donna kånd.
Wat ham so mä een ambidrait, de ütjferkuup faan a eilunen an katastroofentourismus spele das weg en rol bi üs. An Nick Cave!
Diling hääwe we böktip for jam, deer gungt et am en paralelwråål än fantasy. Dan koon huum seede, dåt we sunt en tou waage en nai rubrik hääwe, wat nü di noome „neel än twjarn“ feet. Deer foue jam diling wat ouer pjarsjoorne tu waasen. Än dan jeeft natörlik nuch foole musik.