Ik haa tüürsdai en interview hiard (gans genau heer bi ByteFM) mä lidj faan’t band Tony Caro & John, en britisk folk-band, wat 1972 det album „All on the First Day“ ütjden hee, diarefter oober nimer so rocht grat wurden as, bit jo faan labels weler fünjen wurden san. John as uuntesken störwen, oober Tony an Caro maage widjer musiik, uk wan’s det bluat so bitu maage kön, auer jo bialen nü uk profesooren san. Det musiik hiart ham oober imer noch gud uun an at spiit mi en betj, det ik at ei skaafe küd, at konsert faan jo ferleeden weg uun Hamborig tu beschüken.
Uun’t sending jeew’t det stak „The Snowdon Song“ tu hiaren, wat faan’t band Beach House uk al ens covert wurden as oner de nööm „Lovelier Girl“.