#139: Loftpompen, Clone Wars & Tiny Houses

Loftpompen kön gans ianfach an dom wees, wan’s waant, oober diar stäänt doch noch föl muar diarbeeft. Franziska hee nü salew belewet, det en loftpomp ei ianfach bluat en loftpomp wees skal an hat hee’m ens mä det hial temaatik am loftpompen ütjnöler saat – an diarbi uk gans lustig saagen ütjfünjen. Ölers hee Mareike det ferleeden weg ferbroocht. Hat hee det preskonferens faan’t spalenmese E3 ferfuligt an komt ei bluat mä aktuel infos diarfaan, man uk mä öler grat news: at jaft en nei stafel faan’t Clone Wars seerie. An bi Marret an Hauke dreit ham das weg ales am’t wenin üüb letjen grün – an of’t för jo mögelk wiar, uun en tiny house tu wenin.

Gud dai!

Tu fulig 139 faan tjabelstünj:

Mattiel käänd ik noch ei. Diaram haa ik mi det „official video“ üüb youtube uunluket. Hat as uunkläst üüs en maan mä snorbiard an klompig steewel , üüs wan hi/hat troch en modrig-slobrig feen lup skal. Fjauer bal naagelt slaank jong wüfen uun knaap, likedening, witj bikinis sat trinjenam ham, tau lachts tau rochts. Jo haa niks tu dun üs „smok ütjtusän“, stal wees, juu niks aanjs tu dun, dekoration tu weesen. An hi/hat rikt an drank alkohol.
„Aa“, toocht ik, „ferlicht steget diar en bööd beeft, wat dü bluats ei geliks ferstäänst“ an ik soocht a lyrics mä Google. Oober de tekst as kurt an sait niks (roctwoor: niks) ütj.
Ian rä imerhen paaset:
„Don’t pay no attention, too much of a hassle“
Det as min meening: Mattiel könst ferjid! Don’t pay no attention, too much of a hassle!

Gröötnis faan Arfst

Teilen mit:

Eine Antwort auf „#139: Loftpompen, Clone Wars & Tiny Houses“