Kategorie: Frasch

Das weg jaft at en broketen miks heer bi üs. Wi haa en buk- an föl musiiktips: Franziska besnaaket det buk „Geisterreiter“, wat ham so en betj gruselig uunhiart an wi hiar iin uun det nei album faan Motorama. Mareike diarjin hee ens iin uun a politik luket an wiar bi’t jubiläum faan’t europäisk spriakcharta. Det an en mase musiik finj jam heer an üüb Westküste FM an Kiel FM.

Franziska fertäält üs das weg, huaram at ham luanet, buken an hiarspalen uk noch ens weler uuntuhiaren, uk wan ham’s al käänt. Wat jam oober gans sääker noch goor ei kään, as det stak „Iinsperet“. Det as en öler tekst, wat uun de feringkurs faan’t uni uun Kiel maaget wurden as an faan a lidj diar iinsnaaket wurden as. Tau öler staken jeew at al uun tjabelstünj 99. Natüürelk luanet at ham, uk tutuharkin för de rest faan’t program, huar’t am en amfraag gungt, huar lidj beweerte kön, hü gud welwaier uun hör steeden san an hü seeker’s jo feel. An do wiar diar uk noch wat mä’t somertidj an at tidjamsteling.

Das weg gungt as bi üs so en betj diar am, ianfach ens wech tu gungen. At gungt am fernsiar, am raiselast an ferlicht uk so en betj am eskapismus. Wi snaake an drem üs diarfaan.

Wir träumen uns diese Woche etwas in die Ferne, denn es dreht sich diese Woche alles um Fernweh und Reiselust. Also kommt mit uns!

A fering kurs faan’t uni uun Kiel hee hög fertelingen salew skrewen an iinsnaaket. Tau ‚arfaan kön’em das weg bi üs hiar. Jo haa bialen so en betj mä ferkiar tu dun – wan ham det gans generel schocht. An det teema bestemet uk so en betj, huar auer wi noch so snaake: en projekt för muar ferkiarsseekerhaid uun Berlin an am det ünseeker gefääl, det ham üüb en 42 m huuch brag haa kön, wat ei muar so gans hial as.

Mä en mase fein musiik luke wi uk üüb musiik, nemelk en ual partisaanen-stak, wat uun a uugenblak temelk populäär as uun a charts: Bella Ciao. Oober at as ei ales bluat musiik, Mareike hee uk noch en buktip diarbi.

Halo, heer san’f weler turag ütj at somerpause! An det ei üüs leewent, man mä en letj feranring: faan nü uf uun jaft at det nei sending arke freidai üüb Westküste FM an uun’t internet an at welerhaaling do de weensdai diarefter üüb Kiel FM. Det bedüüdet, det jam tu’t aanj faan arke weg en nei program faan üs fu – üüs leewent mä föl liibe an fein musiik. Diar haa’f das weg uk en mase faan, snaake oober uk am de gebuursdai faan Mickey Mouse san hünj an am det bekäänd stak „Die Gedanken sind frei“.

At as weler somer an en somrem jaft at uun Slaswig-Holstian arkes juar at SHMF, det Slaswig-Holstian Musiik Festival. Franziska wiar al bi en konsert an wal diar en betj faan fertel. Tu fertelen hee uk imer noch Joanne K. Rowling, wat ens Harry Potter skrewen hee. Uun London jaft at en teooter stak, wat ham am Harry sin leewent dreit, üüs hi salew al ääler as an en dring hee, wat hen tu Hogwarts skal. Det skal uk bal efter Hamborig kem an Mareike hee’m al beluket, huar am at diar gungt. An do haa’f uk noch en probleem mä lidj, wat bi’t autokeerin tu föl ünfaaler maage, auer’s hög pualer för blitsern hual an baang san. Wat diar beeft stäänt, det fertäält Hauke.

Okay okay okay, de tiitel hiart ham ferlicht ei so gud uun, oober at wurt uk das weg en gans fein stünj, liaw wi – oober uk en betj nüürig: das weg as uun a USA de Sidewalk Egg Frying Day, diar kön’m een ens en ai üüb a struat braase. Of jam harke tu en gans spesjel konsert: The Insect Concerto as nemelk en komposijuun, huar insekten bi mäspele. Wan det noch ei lingt, haa’f uk noch Wat en Leedji fortelt uun’t program, huar uun at das weg am detdiar stak gungt, wat desalew nööm hee üüs det daans-teooter, huar Mareike ferleeden weg al am snaaket hee: Lord of the Dance.

Kein Titel, der viele Leute anlockt, aber unser Programm in dieser Woche: Während in den USA Eier auf der Straße gebraten werden und in Deutschland Insekten im Orchester mitspielen, erklärt uns Wat en Leedji fortelt, was hinter dem Lied „Lord of the Dance“ steckt, nachdem es letzte Woche schon um die gleichnamige Musical-Tanzshow ging.

Jaft at nei konkurens för video-platfoormen üüs YouTube an Vimeo? Mä Instagram TV (of IGTV) as en nei tiinst online gingen, wat al en mase users föörwise kön. Diarauer wurt bi gud musiik das weg snaaket, jüst so üüs am det bekäänd stak „Freiheit“ faan Marius Müller-Westernhagen uun Wat en Leedji fortelt. An wi stepe kurt uun Irlun föörbi, huar en daans-show faandaan komt, wat Mareike hal liis mei: Lord of the Dance.

Wie immer bekommt ihr diese Woche einen abwechslungsreichen Musikmix geboten, aber das ist tatsächlich noch nicht alles. Wir werfen einen Blick auf die neue Videoplattform von Instagram (IGTV) und hinter die Geschichten von einem der bekanntesten Weternhagen-Stücke und Lord of the Dance.