Kategorien
Deutsch Fering/Öömrang

#dieseJungenLeute

Nü as de SPD-partei-dai föörbi, huar diaram diskutiiret wurd, of widjer am en koalisjoon ferhaanelt wurd skal of ei – an diarbi as föl kritik apkimen am de amgung mä jonger politikern. Wat diar luas wiar, fu jam heer noch ens tupfaatet.

Uun a harewst hee Jan Böhmermann uun sin fernseen-sending „Neo Magazin Royale“ temelk ring auer at online magasiin „bento“ faan’t „Spiegel“ snaaket – huarbi at magasiin diarbi bluat at bispal för det wiar, wat efter Böhmermann sin meening bi a online magasiinen för jong lidj ferkiard gungt. Nü wiar hi das wegaanj oober so üüb en linje mä Bento, det hi üüb Facebook an Twitter en artiikel faan Bento diald hee. Wat wiar diar luas?

Ütjgingen as det föör aal faan’t letst sending faan Maybritt Illner ferleeden weg an faan en tagesschau-artiikel.

Bi bialen ging at am Kevin Kühnert, de chef faan a Jusos, also det jong dial faan’t SPD. Hi as temelk vehement jin en koalisjoon faan SPD an at union weesen an hee det uk temelk düüdelk maaget. Oober uk wan hi chef faan a Jusos as an 28 juar ual as, haa lidj mä an auer ham snaaket üüs wan hi en dring wiar. Steffen Lüdke, diar uk salew en portrait am Kevin Kühnert skrewen hee (bento), hee bi bento en artiikel am det skrewen, wat bi Illner ales ferkiard gingen as an hee de artiikel – jüst  so üüs Böhmermann – do uk noch widjer diald, üüs de neier tagesschau-artiikel do ütjkimen as.

Wat wiar diar luas?

Ütjgingen as det föör aal faan’t letst sending faan Maybritt Illner ferleeden weg an faan en tagesschau-artiikel. Bi bialen ging at am Kevin Kühnert, de chef faan a Jusos, also det jong dial faan’t SPD. Hi as temelk vehement jin en koalisjoon faan SPD an at union weesen an hee det uk temelk düüdelk maaget. Oober uk wan hi chef faan a Jusos as an 28 juar ual as, haa lidj mä an auer ham snaaket üüs wan hi en dring wiar. Steffen Lüdke, diar uk salew en portrait am Kevin Kühnert skrewen hee (bento), hee bi bento en artiikel am det skrewen, wat bi Illner ales ferkiard gingen as an hee de artiikel – jüst  so üüs Böhmermann – do uk noch widjer diald, üüs de neier Tagesschau-artiikel do ütjkimen as.

Föl lidj gungt at jüst so

Mä sin 28 juar as Kühnert ääler üüs föl pop- an rock-musikern, wat wichtig för’t pop-histoori wurden san. An sogoor wan ham a Jusos ei iarnst nem wul, huar för ham uk iarst en grünj brükt, stäänt Kühnert ja ei bluat för’t Jusos, man uun detheer diskusjoon fööraal uk för’t posisjoon jin at koalisjoon, huarför at ölers nian prominens jewewn hee. Det probleem hee oober spiitigerwiis ei bluat Kevin Kühnert, skal’em diartu sai, man uk öler lidj – diartu wurd uun a uugenblak tweets oner a hashtag „#dieseJungenLeute“ saamelt. Doch at as ei bluat en probleem för jonger lidj. So üüs ik det sen haa, wurd uk föl wüfen – ianerlei hü jong of ual’s san – üüb en jong bilj redusiiret.

Hög bispalen

Heer finj jam hög bispalen am reaksjoonen faan lidj, wat jo uk ei so iarnst nimen feel – of huar öler lidj faan mäfu, det’s ei iarnstenooch präsentiiret wurd. At redaksjoon faan bento hee diar gliks widjer maaget an noch öler jong politikern tup saamelt för en statement am det, wat’s belewet haa.

Een diarfaan as Lasse Petersdotter, diar ’arüüb henwiset, det hög lidj en probleem mä wüfen haa.

Margarete Stokowski hee noch en bispal diarföör, huar bial aspekten en betj tup kem: en wüf wurt ei iarnst nimen an üüs en letj kint diarstäält:

An heer noch wat för #dieseJungenLeute:

Noch einmal kurz auf Deutsch

Durch die Berichterstattung um den SPD-Sonderparteitag am vergangenen Wochenende ist viel Kritik um die Haltung gegenüber jungen Politiker*innen und dadurch auch gegenüber jungen Menschen überhaupt aufgekommen, nachdem der Juso-Vorsitzende und Gegner einer Koalition von SPD und Union, Kevin Kühnert, von vielen Seiten eher wie ein Kind als wie ein erwachsener Politiker mit deutlicher Meinung und klaren Argumenten angesprochen wurde.