Kategorien
Fering/Öömrang

Adjis!

Leew lidj, ik wal heer nian grat nomer faan maage, man auer det uun a janewoore nü fiiw juar san, sant wi uun Kiel tup kimen san an tjabelstünj suutjis grünjet wurden as, an mi der projekt tatsechelk föl bedüüdet an ik imer mä’t hart diarbi weesen san, mi frööget haa auer komentaaren faan lidj, wat üs tuharket haa (föör aal natüürelk, wan jo tufrees wiar) an uun’t gehial iin uun’t werk am auer 200 sendungen, podcast episooden, playlists, social media posts an üüs website en mase tidj investiaret wurden as, wat ham fölsis oober uk luanet hee, wal ik bluat ens föl toonk sai. Tu jam, wat tuharke, man uk tu Jan, wat tjabelstünj mä apbaut hee, Mareike an Franziska, huar ik so loong mä tupwerke küd, Nickels, wat spiitigerwiis al föl iarer gingen as an Marret, huar at rocht föl spoos mä maaget hee, üüb’t suufa ianfach tu snaakin. Föl toonk!

Auer ik markt haa, det ik ei muar so föl tidj iin uun tjabelstünj du kön, üüs det eentelk nuadig wiar, am en program hentufun, wat ik dönen, wat tuharke, uundu mei an huarmä ik salew uk tufrees wees kön, haa ik toocht, wiar’t det best aptuhualen, so loong at noch spoos maaget – iar wi uun stres mä ring gefüülen ütjenöler gung. So gungt tjabelstünj för mi efter knaap fiiw juar nü tu aanj. Ferlicht hiar wi üs irgentwan ens weler, ik wanske jam üüb arke faal ales guds. Adjis!

Eine Antwort auf „Adjis!“

Schreibe einen Kommentar

Deine E-Mail-Adresse wird nicht veröffentlicht.