Wat för föl lidj 2020 föl muar iin uun a ualdai bi’t werkin kimen as, haa wi al sant juaren maaget: remote working, also ei üüb detsalew steed werke. Bi üs bedüüdet det, det wi en tjabelstünj-sendung tup stel ütj enkelt bidracher an musiik, wat tuföör miast bi arken aren produsiaret wurden san. Diarbi haa wi ens gans klasisk uun en letj raadio-studio begand. Man sant wi ale uun onerskiaselk steeden wene, wiar det ölers uk ei muar mögelk.

Man tu jul 2020 haa wi üs nü wat gans feines auerlaanjen: wi kem efter juaren entelk ens weler ale tup. So gans hee det wel nooch ei loket, auer wi maden uun’t pandemii san, man tutmanst virtuel wiar det nian probleem. An so haa wi das weg för jam en sendung, wat so tu saien live apnimen wurden as an jam üüb jul so rocht fein iinsteme kön.

det fein
tjabelstünj julstünj

Westküste FM
18.12.2020,
kl. 09:00 & 15:00
Kiel FM
23.12.2020,
kl. 14:00

Natüürelk gungt at diarbi am julmusiik. Arken präsentiaret sin lefst top trii julstaken. Oober diarbi blaft at ei! At gungt am iidjen, tradisjuunen, filmer an fernseen an wan jam ales trochhiard haa, do skul eentelk bluat noch a traurigst Grinch nian last üüb jul fu.

Wi hööbe, det jam det sendung geneet kön an tutmanst hualew so föl spoos diarbi fu üüs wi hed. An wi wanske jam noch fein daar bit tu jul. En feinen jul wul’f natüürelk uk hal wanske, man wan jam wel, do teew wi diarmä noch ian weg:

Ferjid’m ei: a 25. jaft at noch en tjabelstünj üüb Westküste FM am a klook 09:00 an 15:00!

Det skal do uk det letst feer uun 2020 wees, det at tjabelstünj jaft, widjer gungt at do a 8. janewoore 2021. Man at as uk det letst feer mä Marret & Hauke, auer’s at aanj faan’t juar gans aphual heer.

Schreibe einen Kommentar

Deine E-Mail-Adresse wird nicht veröffentlicht.