Entertainment för a uaren: hiarspal-serien

Ale, diar mä hör Drei ??? folgen troch san of bluat wat neis sjük, wat’s uun a advents-tidj hiar koon: hir komt man hiarspal-serien-tip!

Wan jam ferleeden wegaanj muar den haa üüs bi’t Gilmore-Girls-binge-watching-maraton dialtunemen: en hartelken lokwansk. Föl lidj kään det ja, dat wan ham iarst ens en streaming-abo hee, at wäärtfol tidj gau ambi as, auer ham dach weler en betj tu loong serien luket hee.

Det lidj ei so föl tidj haa, as uk en grünj diarför, dat radio- an audio-programen weler muar konsumiiret wurd – fööraal uun a jonger generasjoonen an auer’t internet. Det sait tumanst en onersjükin faan’t ingelsk medien-lunskap. Man uk at ARD/ZDF-Onlinestudie wiset diarhen, dat tumanst muar faan’t klasisk hiarfunk-program auer’t internet konsumiiret woort. Det as uk neen woner, schliiselk as nü det tidj kimen, huar bal arken en smartphone hee, huarmä ham gau en program deellees koon, am det onerwais tu hiaren. Üüs podcasts för auer tjiin juar gans nei wiar, skul ham jo nei episooden iarst üüb de PC deellees an do tu’t MP3-Player kopiire – det gongt daaling gauer an ianfacher.

Dach hü as det mä’t entertainment? Wat as det pendant tu’t serien-lukin bi de mobil audiokonsuum? Det uunsswurd diarüüb hee nü a WDR mä’t serie „I, Will“. At gongt am William (Will) Freeman, diar uun a USA uun’t steed Portland (Oregon) wenet. Hi as fertreeter för en pharma-konsern an hee’t puan diarmä, auer hi föl tu kraankenhüsing an öler gratkunden keer skal, man neemen so rocht wat kuupe wal. Hi as üüb arke faal föl onerwais an waarskiinelk as det uk de grünj, huaram hi det auerhood skaafet, bitu sin wüf an san njüügentaanj juar ual dring Colin uk noch en öler, dütelk jonger wüf tu fun, wat en letj faan ham feit. Colin feit det oober mä, dat san aatj diar noch hoker ölers hee, widjert Colin sin freundin fersjükt, en afäre mä Will tu beganen. Am ales gehiam tu hualin, skal Will jo lidj trinjenam ham saalew muar an muar uunleeg an komt mä arkes feer, diar hi en nei ferspreegen maaget, jiper uun’t skitj. Diaram het at uk “I, Will”.

Skrewen hee det stak Stuart Kummer, diar 2014 an 2015 uk al „The Cruise“ uun tau stafeln an uun’t gehial aacht episooden skrewen hee, wat uk faan a WDR produsiiret worden san. Det wiar jüst üüs nü uk „I, Will“ bi 1LIVE tu hiaren. De onerskias tesken „The Cruise“, wat muar üüs radio-thriller skrewen wiar, an „I, Will“ as fööraal det lengde. Widjert jo episoden faan „The Cruise“ en stünj lung wiar, düüret en episoode faan „I, Will“ bluat tjiin minüten. Det paaset natüürelk gud tu en format, wat ham bitu konsumiiret of huar faan ham so of so bluat letj beder brükt, wan ham bus keert of tu äärnin gongt.

En eenelken fersooch jeew’t al för tjiin juar faan a MDR, diar mä „Kein Geld, aber Stuck an der Decke“ en „radionovela“ produsiiret hee, wat uk üüs radionovela soocht wiar. Det wiar do uk en betj flaaker an ei so spanend. An waarskiinelk uk hög juar tu ääder.

Hoker also sin Drei ??? kaseten troch hee of wat sjükt, wat ham gau uunhiar koon, saner diarför gliks en hualew stünj of en hial stünj iintuploonen, skul ham det ens uunhiar. Ale episoden san al ütjstrualet, man bi 1LIVE koon ham jo uk efterhiar of gliks det podcast „WDR Hörspielspeicher“ aboniire (wat ik so uf so tu harten lei mei). An grat spreegern üüs Christoph Maria Herbst, Frederike Kempter an David Nathan jaft at diar uk uun

Für alle, die auf der Suche sind nach etwas Unterhaltung, ohne dafür an einen Bildschirm gefesselt zu sein oder Unterhaltung, die man sich auch einmal auf die Ohren setzen und mitnehmen kann, empfehle ich die vom WDR produzierte Hörspielserie „I, Will“, die im November ausgestrahlt wurde und seitdem auch auf der Website der WDR-Welle 1LIVE und im Podcast „WDR Hörspielspeicher“ verfügbar ist.

„I, Will“ ist eine unterhaltsame, spannende Serie mit guten SprecherInnen und hat bei einer durchschnittlichen Länge von jeweils 10 Minuten auch überraschend kurze Episoden. So hat man aber die perfekte Länge, um sich die Serie in Häppchen aufzuteilen, ohne den Faden zu verlieren. Ideal für Bus und Bahn oder den Weg zum Supermarkt. Geschrieben hat die Serie Stuart Kummer, der für den WDR in den vergangenen Jahren schon die Thriller-Serie „The Cruise“ geschrieben hat, die auch bei 1LIVE ausgestrahlt wurde.