För trii weg haa’w al ens am Donald Duck snaaket, auer hi de njüügenst juuni 1934 det iarst feer uun en filem föörkimen as. Det wiar so tu saien Donald san gebuursdai üüb at leinwant. Jam kön det noch ens efterhiar uun’t tjabelstünj nomer 38.
En gebuursdai-stak för Donald Duck koon ham hir üüb’t amerikoonsk Disney XD website sä. An det as tatsechelk en gans nei video, auer at en promo-video för en nei stafel faan’t seerie Ducktales as. Hoker faan jam uun a neegentiger juaren cartoons faan Disney uun’t fernseen sen hee, käänt’s was gans gud. Det serie mä honert episooden as tesken 1987 an 1990 maaget wurden an aktuel imer noch tu sen, tu’n bispal uun’t Disney Channel.
Uun a USA jaft at nü en nei stafel, wat das somer uun’t program komt an ik san gans späänd diarüüb. Ianmool, auer Donald Duck al uun detdiar promo-video uun as. Huaram det so spesjel as? Uk wan’t hial familje Duck uun a Ducktales föörkomt, as Donald eentelk nimer tu sen. Of ham det nü anret, wel’w ens sä. An at jaft en komplet nei teekenstiil, wat üüb arke faal en betj moderner as an mä muar tekstuuren uun’t bilj werket, huarbi jo figuuren oober uk en betj ölers ütjsä. Jo haa ale en hood, wat föl trinjer an flaaker as üüs tuföör. Mä ian ütjnoom: Donald sjocht ütj üüs leewen. Hi hee san matruusuuntooch uun an as gans klasisk teeknet.
Wan’t nei stafel uun tjiisklun startet, witj ik noch ei, ik sai jam oober beskias.
Wir haben vor drei Wochen schon Donald Ducks Leinwandgeburtstag gefeiert, was ihr in tjabelstünj 38 auch noch einmal nachhören könnt. Für Fans der Familie Duck gibt es aber auch noch mehr Grund zu feiern, denn im Sommer startet in den USA eine neue Staffel der Ducktales – in einem ganz neuen, moderneren Zeichenstil, bei dem die Köpfe viel runder und flacher sind, als man sie von früher kennt. Nur Donald ist klassisch gezeichnet und sieht in seinem Matrosenanzug aus wie immer. Den deutschen Starttermin kenn ich noch nicht, reiche ihn aber noch nach.
Muar videos faan’t nei stafel finj jam bi Disney XD: http://disneyxd.disney.com/ducktales