Snä? Do komt David Plowie!

Mä „Friederike“ jaft at ei bluat sturem uun Tjiisklun, man uk föl snä – sogoor diar, huar uun a ferleeden juaren miast ei so föl snä deelkimen as, tu’n bispal uk uun Hamborig, huar do al de iarmade a bus-ferkiar am a süüd faan a Ialew „massiv beeinträchtigt“ wiar:

Wegen der aktuellen Wetterlage ist der Busbetrieb südlich der Elbe aktuell massiv beeinträchtigt: #Wilhelmsburg #Süderelbe #Meckelfeld #Finkenwerder #Harburg. Wenn möglich Schnellbahnnen nutzen. #hvv

— HOCHBAHN (@hochbahn) 18. Januar 2018

Uuntesken hee uk at boon a fernferkiar iinstääld – also blaft bal bluat noch at struat, am irgenthuar hen tu kemen. Gud, wan jam uun Skotlun wene, auer ham diar efterluke kön, huar snä-waanjer onerweis san, am a struaten frei tu maagin, üüs ik daaling auer en amwai troch en tweet liard haa. Uun detdiar tweet ging’t nemelk eentelk goorei am’t service, det ham sä kön, huar a waanjer onerwais san, man am a nöömer, wat’s füngen haa:

TIL: In Schottland haben einige Räumfahrzeuge Namen, und die Ergebnisse sind noch viel besser als alles, was ich je erwartet hätte. pic.twitter.com/ZeN4MdYvH8

— Marzipanjournalistin (@AsphyxiaPallida) 17. Januar 2018

An diarbi schocht ham uk, hü föl humoor a lidj haa, tutmanst uun Doncaster. Diar küd ham nemelk ufstem, hü a nei waanjer het skul. Naja, am fair tu bliiwen: eentelk küd arken ufstem, auer’t auer at internet ging, oober jo lidj uun Doncaster hed ja uk sai küden, det hög nöömer ütjslööden wiar. Haa’s oober ei, tutmanst haa gans lastig nöömer wonen, wat at heer uun Tjiisklun so was ei jewen hed: „David Plowie“, en fein reminisens tu David Bowie, an – at skul ja so widj kem – „Gritsy Bitsy Teeny Weeny Yellow Anti-Slip Machiney“. Muar am’t teema an noch muar nöömer finj jam bi de Belfast Telegraph.

In Schottland werden Schneeräumfahrzeuge benannt, wobei dann schon mal ganz lustige Namen heraus kommen. Neben dem ganzen Spaß ist es aber tatsächlich nützlich, dass man online nachschauen kann, wo Räumfahrzeuge die Straßen freimachen.