Musik-tip: Liima

Ütj at deensk band Efterklang as för hög juar en nei band apwoksen, wat ham Liima näämt. Det as finsk an bedüüdet klewer. So’n betj tup klewet san’s uk, auer’s ale ja al linger keen: Rasmus, Casper an Mads haa al üüs Efterklang tup werket an leeder do uk mä Tatu üüb a büüne stenen. Det hee was gud funksjoniiret, tau alben haa’s nemelk al ütjden, det letst uun a nofember 2017: 1982.

Det ens uuntuhiaren luanet ham absoluut, auer heer a meloodisk-sfäärisk musiik faan a ääler Efterklag-staken mä elektronisk an post-rockig musiik mikset wurt. Min lefst staken san üüb arke faal „David Copperfield“ an „Life Is Dangerous“. Wan jam uk uunfikset san: Liima san jüst üüb tour uun Tjiisklun an at öler Europa. At konsert uun Hamborig wiar al, oober at jaft noch muar termiiner, wat jam üüb’t band sin website finj kön.

Gans nei ütjkimen as ferleeden weg diartu uk det single „Always“, wat ei üüb’t album üüb as an wat uk ei so föl faan’t meloodisk, sfäärisk sound hee, oober likes temelk fein as.