Stalking

Stalking

As at nögen, wan en maan en ferkuuperin uun en supermarkels hal liis mei? Woorskiinelk ei. Wat oober, wan hi det wüf do ei linger uun de markels schocht an efter hög weg efterfraaget, huar hat blewen as, a mäwerken ham fertel, det hat nü uun en öler filiale werket an hi do mä en freundin tu ark filiale keert, am ham tu schüken?

Det as tatsechelk pasiaret an efter det bi Twitter tu en teema wurden as, hee Nicole Schöndorfer uun en artiikel bi VICE kritisiartet, det stalking tu föl romantisiaret wurd. Auer at ei bluat uun’t privootleewent faan lidj üüb Twitter en teema as, man uk tu föl romantic comedies tu’t haanling diartu hiart. An uk wan wi det wurd „stalking“ brük, wan wi ianfach kurt wat am en persuun uun’t internet efterluke. Rocht stalking as oober gans wat ölers an det wurd stalking wurt föl tu gau brükt.

An widjert en dial faan’t community jüst diarbi wiar tu diskutiaren, det at irgentwan ianfach enooch as an ham ei ales du mut, am en wüf keenentuliaren, hee’t politsei uun Berlin uun sin aanj Instagram-story so tu saien en kontaktanongs postet, efter en wüf en politsist efter a wai fraaget an hi ham so en betj ferknald hee. Det as ei so gud uunkimen (Tagesspiegel, VICE, ze.tt)

1 Gedanke zu „Stalking“

Schreibe einen Kommentar

Details zur Verarbeitung deiner Daten bei einer Kommentarerstellung findest du in der Datenschutzerklärung (Abschnitt "Kommentare und Beiträge"). Die Angabe von Name und E-Mailadresse ist optional, es können auch Pseudonyme oder anonyme Kommentare hinterlassen werden.