Wan musik rocht woor underground as, dan as’t doch det, wat uk uun’t Underground, det metro of u-boon faan New York, spelet woort. An diar as uun’t uugenblak en skööl faan fjauer maaner onerwais, wat kreatiif an uk temelk gud sin protest jin präsident Trump ütjtrakt.
Wi haa uun a ferleeden sendang ja al auer The Pizza Underground snaaket, wat jo staken faan The Velvet Underground amdachtet hee. An jüst so maage det uk The Trump Beatles. Bluat gongt at das feer ei am pizza, man am … naja, haa jam nü uk al ferstenen, at gongt am Trump.
Det skööl as ei nei, üüb sin YouTube-kanaal san uk videos faan 2016, üüs Trump jüst iarst präsident wurden as, man uun a ferleeden daar san’s uun a online medien föl diald wurden (#TrumpBeatles, #OrangeBeatles) efter hög staken uun’t Underground faan New York.
Musikaalisk san The Trump Beatles gud diarbi. A teksten san uk gud amdachtet an kritisiire Trump ei direkt, jo san muar en ütj sin aanj perspektiif skrewen satiire. Diartu paaset uk, dat jo sjauer Trump Beatles ale orange prüken dreeg an so ään uuntooch uunhaa, wat uk Trump fölsis uunhee. Uun jo teksten gongt at föl am Trump san luk üüb a wäält an hü hi ham saalew präsentiiret. At gongt am’t befumlin („Pussy to Grab“ originaal: „Ticket to Ride“; „I Wanna Grow My Hands“ orig.: „I Wanna Hold Your Hand“), am Trump sin privilegiiret leewent („Billionaire“ orig.: „I Wanna Be Your Man“), am Donald Trump sin teint („I Spray Tan My Face“ orig.: „I’ve Just Seen a Face“) an natöörelk jaft at uk en stak tu’t fake news diskusjoon („Fake News“ orig.: „Hey Jude“).
Man jo parodiire Trump ei bluat uun hör staken, uk uun a postings uun a online medien haa’s det Trump-stil an temaatik gud apnimen – hir tu’n bispal en referens tu’t iinfeerings-feier uun Washington üüb Twitter:
Huge, massive crowds in NY absolutely love that Trump Beatles sound. Many people are talking. pic.twitter.com/NOIN1OcRCy
— Trump Beatles (@trumpbeatles) 10. Februar 2017
An uk üüb hör Instagram-profil inseniire jo det parodii gans gud, tu’n bispal mä en parodii üüb det legendäär Rooftop Concert …
… of mä fotos uun suart-wit mä trenchcoats uun.
Hir san tau videos ütj at Underground:
#OrangeBeatles: „I wanna grow my hands! I wanna grow my haa aaa sands. I wanna grow my hands.“ pic.twitter.com/0QQWSAqmNJ
— Ahmed Shihab-Eldin (@ASE) 25. Februar 2017
#OrangeBeatles: „I wanna grow my hands! I wanna grow my haa aaa sands. I wanna grow my hands.“ pic.twitter.com/0QQWSAqmNJ
— Ahmed Shihab-Eldin (@ASE) 25. Februar 2017
An üüb det YouTube account faan The Trump Beatles finj jam uk hög ääler staken. An ferlicht komt diar ja uk noch wat üüb at Twitter account faan’t skööl. Tumanst wiar diar al kort wat faan „Hacked by the USSR“ to hiaren …
Nach The Pizza Underground in der vergangenen Woche heute noch einmal ein Musiktipp für eine Band, die gute Persiflagen auf berühmte Musik macht. The Trump Beatles kleiden sich mit Perücken und Anzügen im Stil von Donald Trump und spielen dazu Musik von den Beatles mit Texten, die die Welt aus Donald Trumps Perspektive betrachten und deutliche Parodien auf das Leben und die Außenwirkung des US-Präsidenten sind.
Aktiv sind die vier jungen Männer scheinbar schon mindestens seit dem letzten Herbst, in den letzten Tagen sind sie aber durch Auftritte im New Yorker Underground, der U-Bahn von New York, besonders berühmt geworden, zumindest in den Onlinemedien unter den Hashtags #OrangeBeatles und #TrumpBeatles. Aber auch auf ihren eigenen Kanälen (Instagram, Twitter – siehe oben) drücken sie Liebe zum Detail und auf jeden Fall zu guten Parodien aus, wenn sie ihre Tweets schon fast im Trump-Stil verfassen oder ihr eigenes Bild in der U-Bahn kommentieren mit „Mr. Trump sent us into the subways to practice until we are ‚great again'“.