… an nei luxus – wan ham det auerhood noch so nääm koon: at jaft entelk W-LAN uun a tsuchen (tumanst uun jo miast ICEs). För lidj, diar mä wel of mä auto onerwais san, jaft at oober uk nei reegeln. Hir as, wat at neis jaft ütj at wäält faan ferkiar an mobilitäät.
W-LAN uun ICE-tsuchen
Ik küd det nei gratis-WLAN uun a ICE-tsuchen faan’t Bahn saalew noch ei teste, man ik haa uk nach ei föl rings diarauer leesen. Ham skal een diar bluat uunmalde, wan ham uun a tsuch as an do koon’t luas gung. Spiitig as bluat, dat ham uun a neist klase bluat 200 MB Highspeed-volumen för ian dai hee. At Bahn skraft diartu, dat det muar as üüs uun a miast premium-mobilfunk-fertracher:
200 MB pro Tag sind mehr als die meisten Premium-Mobilfunkverträge heutzutage anbieten. Bei 20 Reisetagen steht einem ein Datenvolumen von 4 GB zur Verfügung.
Man ik ha uk noch näämen sen, diar tufrees mä mobilfunk-datenvolumen as. De grünj diarför as, dat jo daten auer mobilfunk stjüürd wurd an jo netse diar ei imer so gud werke. Wat oober gans fein as: De siinnst as gratis. At jeew ja tuföör al W-LAN hotspots faan a Telekom bi’t Bahn, man diarför skul ham betaale, wan ham ei Telekom-Kunde wiar. De iansigst föördial diarbi wiar, dat ham do uk muar highspeedvolumen kuupe küd. Det gongt nü ei muar. Dach videos streamen säär’em waarskiinelk uk ei, auer at Bahn mä Maxdome tup werket, diarmä’s filmer an serien direkt faan en server uun’t tsuch uunbaad koon. Spiitig blaft bluat, dat det bluat uun a ICEs funksjoniiret, ei uun a öler tsuchen. Informasjoonen jaft at üüb’t website faan’t Bahn.
Nü klaarer: Rettungsgasse
Bit deetsember 2016 wiar’t ei gans so klaar, hü ham en „Rettungsgasse“ üüb struaten mä tau of muar spuuren bilde skul. Nü as’t gans ianfach. Wan’t tau of muar spuuren jaft, woort uun a maden faan jo bialen spuuren plats maaget, diar gans tu lachter sidj san. Iarer wiar det wilems uk uun a maden, wan ham sjauer spuuren hed, oober det as föörbi. Imer tesken jo bialen spuuren, diar lachts san.
Uk wan jam det al wost haa, as’t ei ferkiard, det noch ens weler uun a hood tu fun, auer’t ja gans wichtig as. At luanet ham uk, ens eftertulukin, hü det uun öler lunen as, auer at sogoor uun’t EU onerskiaselk reegeln jaft. Bi Wikipedia koon ham diar tu’n bispal began. Diar stäänt uk, wat organisasjoonen diarbi kritisiire an wat arkään beaachte skul.
Ampeln för lidj üb wel
Wan bi en krüsing nian ampel för welen as, also nian aanj ampel an nian kombiniirt ampel för lidj üüb wel an tu fut, do jilt för welen nü det ampel faan’t faarboon. Malte faan’t blog radverkehrspolitik.de hee det oober uk kritisiiret, auer nü bi ual ampeln, huar en welwai as, diar ham ei brük säär, oober mut, also en nicht-benutzungspflichter Radweg, an neen wel-ampel, bedüüdet det, dat wel-keerer auer ruad keer mut, wan det faarboon-ampel green wiset. An det iritiiret auto-keerern, auer jo ei diarmä rääkne, dat hoker auer’t krüsing keert, wan diar ruad as. Dat bedraapt ei so föl krüsingen, oober wat Malte uk kritisiiret, as dat reegeln an det tatsääkelk ferkiarsplooning oofting ei tup paase. Hi hee diartu en temelk lungen, ironisken artikel skrewen oner de titel „Endlich: Radfahrer dürfen über rote Ampeln fahren“, huartu hi uk gliks föl haad-komentaren füngen hee faan lidj, diar bluat de titel an ei de artikel leesen haa. Jo reaksjoonen hee hi uun en ölern artikel uun sin blog tupfaatet (finj’em hir).
Ham küd sai, dat warskiinelk niks malööret, wan wel-keerern kort eefterseenk, wat för ään ampel muar san maaget an sääkrer as. Man wan’t so wiar, sost ham diar uk nian gesets tu maage. An at as uk nian liasing: Wan ham üüs welkeerer – am sääkrer tu weesen – det green futstich-ampel brükt, blaft at ja ferbeeden, wan det struat-ampel ruad as. An wan do wat malööret, stäänt ham dom diar. Of ham skal bi arke ampel ufstaap an auer det krüsing sküüw. Det koon oober uk nian liasing wees.
De soocht diar beeft beeft det nei reegel as eentelk goor ei ferkiard: at ampel-system skul ferianfacht wurd. An diarmä skul waarskiinelk uk en impuls den wurd, wel-infrastruktuur tu ferbeedern, diarmä welwaier tu det nei reegel paase. Oober det as ei loket.
Kritik jeew’t ei bluat faan radverkehrspolitik.de, man uk faan Radfahren in Stuttgart („Die gesetzliche Ampelfalle“).
Neuigkeiten, die das neue Jahr mit sich bringt für Verkehr und Mobilität: In den ICEs der Deutschen Bahn gib es nun gratis W-LAN, wenn auch mit Highspeedvolumenbegrenzung in der 2. Klasse ab 200 MB. Aber immerhin gibt es nun einen gratis Internetzugang. 2017 sind wir endlich soweit. (Info bei der Bahn)
Außerdem gibt es nun eine klarere Regelung für Rettungsgassen auf mehrspurigen Straßen, nämlich immer zwischen den beiden am weitesten links liegenden Spuren. (auch lesenswert: Wikipedia: Kritik an der Regelung bis 2016 und der mangelhaften Umsetzung)
Und es gelten nun die Fahrbahnampeln für Radfahrende, wenn keine speziellen Fahrradampeln oder kombinierte Ampeln für Radfahrende und Zufußgehende vorhanden sind. Da das an schlecht ausgebauten Kreuzungen aber Regelverstöße von Radfahrenden quasi hervorbringt, wurde an einigen Stellen kritisiert, z. B. bei Radfahren in Stuttgart oder radverkehrspolitik.de.