Wi haa uun dethir rubrik de hial april diarauer snaaket, wat jo parteien, wat uun Sleeswig-Holstian aktuel uun a lundai san of en schangs haa, iin uun a lundai tu kemin, uun hör parteiprogramen tu ferkiar an at mobil leewent skriiw (kön’em hir lees an hiar). Wat wiar oober ölers noch luas uun a april?
Det gratst teema uun a april wiar was jo taalen am lidj, diar tu werk pendle. Söstig prosent faan jo lidj, diar werke, skel tu’t werk iin uun en öler komuune keer an diarbi uun sjnit sööwentein kilomeetern turaglei. Det hiart ham ferlicht iarst ens ei so lung uun, oober wan ham det arke dai keer skal, nerfet det uk. An at woort do uk för arken jüür, auer det ei bluat nerfen koostet för jo lidj, diar pendle an diarbi ferlicht arke dai tweisis uun a stau stun, man uk, auer at ja uk jo waier diarför jeew skal an auer de ferkiar uk skitj an ufgoos produsiiret. An diarauer paaset det meldang uk gud tu en öler grat teema faan’t april: muar jil för wel-ferkiar.
25 miljoonen euro muar skel diar ütjden wurd, am muar expres-wel-waier tu bauen. Oober lingt dat do, am muar lidj faan’t auto üüb’t wel tu fun? Wan’t so am an bi 10 of 15 kilomeetern tu pendlen san, koon ham det ja was üüb wel turaglei, wan’t en guden wai jaft. Det as tumanst de teenor uun det diskusjoon, oober taatsechelk san jo expres-wel-waier uk ei gonstig tu bauen. Likes as’t gud, dat at det jil jaft, am hög grat projekten widjer tu bauen. Of lidj do uk wörelk wel keer, skel’w ufteew. Uun’t gehial skul eentelk noch föl muar jil för wel-ferkiar ütjden wurd. Auer jo 25 miljoonen bring jo ütjiften för wel-ferkiar nü iarst weler üüb det nivoo faan för fiiw juar.
Oober det wiar nü bluat det wel-ferkiar. Ik seenk, wi brük uun’t gehial en guden miks faan ale ferkiarsmadeln, am mä’t transport-problemaatik turocht tu kemin – fööraal, wan imer muar lidj pendle.
Muar informasjoonen tu’t teema finj jam
- bi’t Statistisk Bundesamt, wat berachtet hee, dat de tjiisk autoferkiar tesken 2008 an 2015 ca. 9 tonen CO2 hed iinspaare küden. Auer jo motooren oober grater an hongriger wurden san, san ca. 5 tonen CO2 muar ferbrükt wurden.
- bi de ADFC Dresden, wat apskrewen hee, hü’t jil för welferkiar tu began faan a 2010er juaren kurtet wurden as
- bi de NDR, diar aktuel en intresanten film uun’t mediateek hee, huar uun at am welferkiar uun (nuurd-)Tjiisklun gongt an huar uun uk wiset woort, huar ham noch muar investiire küd.
Wie wir in Zukunft mit wachsendem Pendlerverkehr umgehen können, wird uns auch noch länger beschäftigen als nur zur Landtagswahl, zu der wir in den letzten Wochen Parteipositionen zusammengetragen haben.
Daneben war Pendlerverkehr eines der großen Verkehrsthemen im April, als Zahlen bekannt gegeben wurden, dass 60 % aller Arbeitnehmer*innen im Schnitt ca. 17 Kilometer zur Arbeit pendeln. Im Moment wird wieder mehr Geld in Fahrradinfrastruktur gesteckt, in der Hoffnung, dass Leute aufs Rad umsteigen könnten. Insgesamt braucht es aber sicherlich einen breiten, attraktiven und erschwinglichen Mix, damit Leute nicht nur im Auto pendeln.