Kategorien
Fering/Öömrang ferkiar an mobilitäät Programm

Projekt „Abstandsmesser“

De „Tagesspiegel“, en bleed, wat uun Berlin ütjden wurt, hee en aksjuun startet, wat’m am muar seekerhaid för wel-keerern komre wal.

Det projekt, wat de Tagesspiegel nü startet hee wiset diarüüb hen, det at uuntesken uun Berlin maner hüshualer mä auto jaft üüs saner auto an det sant auer fiartig juar a taalen faan a lidj, wat mä wel onerwais san, imer grater wurd. Det probleem uun Berlin, of beeder saad, ian faan a probleemen mä de ferkiar uun Berlin as nü oober, det at likers nian gud infrastruktuur för welen jaft an so autos an welen oofting mä’nöler uun konflikt kem. Diaram jaft at nü det projekt „Abstandsmesser“, huar lidj üüb wel onerwais san, am mä en letj aparoot tu meeden, hü oofting welen tu knaap auerhaalet wurd.

Hü föl steed skul diar eentelk wees tesken auto an wel, wan auerhaalet wurt?

At skul üüb arke faal enooch steed wees an tu’t situasjuun paase. Ham snaaket imer so faan 1,5 bit 2 meetern. Det komt diarüüb uun, hü gau auto an wel onerwais san an uk hü seeker det wel keert (ADFC NRW). Oober uun steeden wurt det miast ja al gans knaap – wat uk en wichtigen grünj as, huaram föl lidj ei so hal tup mä autos üüb struaten wel keer. Hü föl tatsechelk tu knaap auerhaalet wurt, wal det projekt faan de Tagesspiegel diaram nü ütjfinj.

Hü diar meeden wurt

Mämaage kön diar honert lidj, wat det bleed lees of uun Berlin wene, ik witj det nü ei so genau, auer det faan heer ja so of so en betj widjer wech as. Ik foon det oober likers intresant, diar ens auer tu snaaken, auer det ja uk för öler steeden wichtig wees kön, wat diar bi ütjkomt.

För lidj, wat ei uun Berlin lewe, jaft at uk wat

An wan jam salew ei so lokelk mä welferkiar san, huar jam wene of jam teenk, det eentelk ales gans gud as, do teew jam noch kurt, auer faan september uf uun jaft at weler de ADFC-Fahrradklimatest, huar arkeen det situasjuun diar, huar ham wenet, bewäärte kön. Oober diar sai ik do noch ens beskias.

Noch ens kurt üüb tjiisk/Noch einmal kurz auf deutsch

Die Berliner Tageszeitung „Tagesspiegel“ hat in der Hauptstadt ein Projekt gestartet, bei dem Fahrradfahrer*innen mithilfe kleiner Messboxen an ihren Rädern Überholabstände von Autos messen können, um herauszufinden, wie viel Abstand tatsächlich eingehalten wird. In der Stadt gebe es erstmals deutlich weniger Haushalte mit Autos, wohingegen der Fahrradverkehr kontinuierlich zunehme, schreibt die Zeitung. Allerdings gebe es keine Daten zu derartigen potentiellen Konfliktsituationen, sondern nur zur reinen Nutzung und zu Unfällen.

Links

Eine Antwort auf „Projekt „Abstandsmesser““

Kommentare sind geschlossen.