Kategorien
Deutsch Sölring Wat en Leedji fortelt

Lili’uokalani – Aloha ’oe

Dit Leedji „Aloha ‚oe“ waar om en bi 1878 fan di leeter hawaiiansk Köningin Lili’uokalani skrewen. Hat fortelt fan tau Liren, wat jam lef haa en Faarwel sii en hat gelt üs en kulturel Sümbool fan Hawaii. Di Ailönen wiar fan 1795 hentö 1893 en Köningrik, da waar Lili’uokalani me en Putsj ofseet. Eeđer en kuurt Tir üs en Republik waar Hawaii fan di USA anektiaret, 1959 waar’t da eeđer en Folksöntskēring tö di 50. Bundesstaat fan di USA. Hawaii wiar 1843 di jest büteneuropeeisk Lön, wat di Gurtmachten Frankrik en Gurtbritanjen üs ünofhingig önkeent. Bütendit es’t di iining US-amerikaansk Bundesstaat, wat jens en ain Lön me en Köning wiar.