Wäält-maaner-dai

Das weg as ei bluat wäält-vegan-dai, man uk wäält-maaner-dai. Diarbi gongt at ei am likberochting faan maaner, diarföör as en ölern dai diar, de „internasjonaal maaner-dai“. Dediar dai as uun – so am an bi – tau weg, also kön’f do noch ens diarauer snaake, huaram maaner ei so föl uun a sosjaal jobs du an huaram so föl wüfen aran bliiw an wüfen uun’t gehial auer twuntig prosent maner jil fu üüs maaner. Man das weg gungt at bi a wäält-maaner-dai diaram, üüb en probleem faan föl maaner hentuwisen: dat’s iarer sterew. An diarauer stäänt bi dehir dai at sünjhaid uun’t föörgrünj an at jaft aksjoonen, am maaner tu sensibilisiiren, muar för’t sünjhaid tu dun of uk muar diarüüb tu aachtin, tu a dochter tu gungen. At jaft uk en aksjoon, huarmä föl diarüüb henwiset woort, an det as dat föl lidj jo uun november en snorbiard waaks leet – an auer en snorbiard üüb ingelks moustache het, also mä M-O skrewen, an ales uun’t nofember pasiiret, näämt ham det aksjoon “movember”. Uun üüs arkiif finj jam muar am’t movember, luke’m ens föörbi!

Noch einmal kurz auf Deutsch

Diese Woche ist Weltmännertag – ein Tag, an dem die gesundheit und die gesundheitliche Vorsorge im Fokus stehen, denn Männer sterben im Durchschnitt sieben Jahre eher als Frauen. Um auf Männergesundheit aufmerksam zu machen, gibt es auch die Aktion “Movember”, über die ihr in unserem Archiv etwas findet.