Wi haa üs troch’t pandemii snaaket an widjert at pandemii noch loong ei föörbi as, gungt at wel nooch mä deheer podcast suutjis tu aanj.
Kategorie: Mä Marret & Hauke üüb’t suufa
[Archiwiaret – Mä’t juar 2021 sai Marret an Hauke adjis; jo tjable heer ei linger. Föl toonk för’t tuharken!]
Arke öler weg kem Marret & Hauke tup an snaake am det, wat’s uun a uugenblak so belewe, huar’s föl am teenk an wat’s jüst ianfach wichtig finj. An imer gungt at uk en betj am musiik. Det paaset spiitigerwiis ei iin uun’t podcast, dü fanst det oober uun üüs suufa-playlist.
Haa jam at puan? San jam stresat? Wi haa diar wel nooch nian terapii of patentresepten, man dach hög tips, am en betj rau tu fun. An wan jam nian rau brük, haa’f uk noch fein musiiktips, auer wi suutjis began üüb musiikalisk highlights faan 2020 tu lukin.
Hög nei tips tu ual teemen: online exit games of escape games keen dönen, wat üs föl tuharke. Wi haa diar oober noch neis am tu fertelen an hög tips diarbi.
Wi san föl onerwais tesken onerskiaselk tv-seerien, musiik ütj a seerien an musiik wat tu’t apredin paaset. Oober huarför brük wi en revival faan country musiik?
Grat jubilääum, oober huar wurt heer am snaaket? A harewst. An widjert a miast lidj bedrüüwet san, det a somer föörbi gungt, frööget Marret ham üüs wan’t niks feineres jeew.
At jaft nü sant temelk genau seeks muun restriksjuunen heer uun Tjiisklun, am tu ferhanrin, det at corona-pandemii widjer briad maaget. Wi luke üüb en temelk nüürig tidj turag an fu diarbi uk mä, hü wi salew för hög muuner noch komplet ölers toocht haa.
Das feer tatsechelk goor ei imer so lacht an lastig, auer uk en mase luas wiar. Spiitigerwiis uk föl mä nazis. Üüb det gud sidj haa wi oober uk fein musiiktips, at iarst konsert uun’t pandemii belewet an en betj sport maaget.
Bit aanj 2019 haa’f arke weg en nei playlist ütjden, wat jam oner’t kategorii playlist uk heer üüb üüs website finj. Sant 2020 jaft at de podcast Mä Marret & Hauke üüb’t suufa an en öler struktuur, hü wi üüs sendingen ploone an musiik diar onerbring. Huar finj ik musiik, huar Marret & Hauke am […]
Suutjis wurt at kuuler bütjen, man gans so hiat wiar’t heer noch ei, wan ham ens üüb öler steeden üüb a wäält luket. Tu’n bispal üüb berger, wat för jo hen braan an det sööwentig meter grat puurt tu a heel.
Wi san turag faan üüs enkelt urlaubsreisen an wel noch ens turagluke, wat mä blak üüb’t coronapandemii üüb a reisen gud gingen as, huar wi üs seeker fääld haa – an huar ei.