Kategorien
Deutsch Fering/Öömrang Sendung Sölring

#158: iidjen an filmer tu jul

Suutjis komt jul imer naier an uk wan noch nooch tidj as, am a miast presenten tu kuupin (hööbe wi tutmanst), jaft at aueraal al föl tu iidjen an tu dranken, wat för üs tu’t julfest diartu hiart. An jüst diar am gungt at das weg: hü smeekt a wonter an wan nerfet a julmarkels ianfach bluat noch? Wat uuntesken uk tu’t jultidj mä diartu hiart, san nei Star Wars filmer. Hör efekt üüb’t musiikaalisk popkultüür wurt das weg bi Wat en Leedji fortelt naier trochnimen.

Kategorien
Deutsch Fering/Öömrang Sendung Sölring

#157: triisis trii fraageteeken & 1 Leedji

Sant fiartig juar jaft at a trii fraageteeken uuntesken. Diarauer gungt at das weg gliks triisis (ei fiartigsis, det haa’f ei skaafet) am det, wat dön trii dringer ütj Rocky Beach so belewet haa – an wat’m mä jo üüb a büünen uun hör shows belewe kön. An diarmä’t uk bi üs so en betj tradisjuun an wat konstantes jaft, haa’f uk das weg en nei episood faan Wat en Leedji fortelt, das feer am en ual ingelsk stak.

Kategorien
Deutsch Fering/Öömrang Sendung Sölring

#156: Berliner Müür, det fernetset aran & en krimi ütj Sleeswig-Holstian

Wat en Leedji fortelt luket efter freihaid, Mareike hee en buktip am en krimi, wat uun Sleeswig-Holstian spelet an Hauke snaaket am gud an ring saagen, wat smart homes mä jo bring.

Kategorien
Deutsch Fering/Öömrang Frasch Sendung Sölring

#155: pöpin, jil & Babylon

Am jil mut’m ei snaake? Du wi likes. Lidj schong uk am Babylon – det hed’t iarer uk ei jewen. Oober mä pöpin wurt imer spelet.

Kategorien
Deutsch Fering/Öömrang Sendung Sölring

#154: sudoku, uun’t armee & isbaaren

Huar komt’t sudoku-spal faandaan? Üüb a spöören faan detdiar fraag gungt Mareike das weg. Bi Wat en Leedji fortelt snaaket Franziska am det stak “In the Army Now” faan Bolland & Bolland an Hauke luket üüb staken, huar isbaaren en grat rol uun spele.

Kategorien
Deutsch Fering/Öömrang Sendung Sölring

#153: at best musiikstak, braas & partisaanen

Wi luke üüb det ölerbest musiikstak an fraage üs, wat do at best wees küd, feire de dai faan a hakbraas an hiar musiik faan partisaanen.

Kategorien
Deutsch Fering/Öömrang Sendung Sölring

#152: apreegern, Texas Ranger & ruusen

Sant hög weg as “Systemsprenger” uun a kinos an das weg as dediar film üüs tip för jam. Diartu uk musiik, tu’n bispal “Rose of Cimarron” faan Poco uun Wat en Leedji fortelt an “Deutsche Wohnen” faan Dazzle, wat at cover faan’t weg bi Marret an Hauke as. Mareike snaaket diar am, huar a Texas Rangers, huar at ja uk en tv-seerie tu jaft of jeew, auerhood faandan kaam an Marret an Hauke reege jo noch temelk ap.

Kategorien
Deutsch Fering/Öömrang Sendung Sölring

#151: uun a neegentiger

Uun a neegentiger haa jo lidj ütj üüs team för’t iarst feer mä Playmobil-figuuren spelet, so wel britpop-musiik üüs uk musiik faan’t band Echt hiard an woorskiinelk uk al ens wat faan’t Blä Mauritius mäfingen – of tutmanst, diarfaan, det lidj freimarkin saamle. An am al dön teemen dreit’m das weg üüs program. Musiik finj […]

Kategorien
Deutsch Fering/Öömrang Sendung Sölring

#150

Üüs 150. tjabelstünj as ütj. Niks grats – at as uk bluat en nei episood. Likes wurt en betj feiert das weg. Maner bi üs, oober bi öler lidj: uun Kiel jaft at das weg det grat feier tu de Tag der Deutschen Einheit, huar wi faan hiar, wat at för’n program jaft, jister wiar so tu saien a föftigst gebuursdai faan’t Beatles album Abbey Road an Bruce Springsteen as sööwentig juar ual wurden, huar auer at das weg en gans spesjel cover-stak bi üs jaft. Trii jubilääen also. Diarmä det ei tu föl wurt för jam, haa’f oober uk noch wat ölers am spanwelen – an uk wan’t iarstens ferlicht goor ei diarefter klangt, as det wel nooch uk gans intresant!

Kategorien
Deutsch Fering/Öömrang Sendung

#149: at letst nomer

Leew lidj, detheer sending as üüs letst nomer, iar üüs grat nomer 150 ütjkomt. Oober wi bliiw gans beskiasen an gung det suutjis uun – wi liar üs iarst ens noch en betj keenen mä smalltalk. Of tutmanst snaake wi das weg diar am. Diartu fein nei musiik üüb üüs playlist an uun’t sending üüb Westküste FM an Kiel FM fu’m uk noch wat am de Hobbit-dai tu weden.