Kategorien
Deutsch Fering/Öömrang Sendung Sölring

#152: apreegern, Texas Ranger & ruusen

Sant hög weg as “Systemsprenger” uun a kinos an das weg as dediar film üüs tip för jam. Diartu uk musiik, tu’n bispal “Rose of Cimarron” faan Poco uun Wat en Leedji fortelt an “Deutsche Wohnen” faan Dazzle, wat at cover faan’t weg bi Marret an Hauke as. Mareike snaaket diar am, huar a Texas Rangers, huar at ja uk en tv-seerie tu jaft of jeew, auerhood faandan kaam an Marret an Hauke reege jo noch temelk ap.

Kategorien
Deutsch Fering/Öömrang Sendung Sölring

#151: uun a neegentiger

Uun a neegentiger haa jo lidj ütj üüs team för’t iarst feer mä Playmobil-figuuren spelet, so wel britpop-musiik üüs uk musiik faan’t band Echt hiard an woorskiinelk uk al ens wat faan’t Blä Mauritius mäfingen – of tutmanst, diarfaan, det lidj freimarkin saamle. An am al dön teemen dreit’m das weg üüs program. Musiik finj […]

Kategorien
Deutsch Fering/Öömrang Sendung Sölring

#150

Üüs 150. tjabelstünj as ütj. Niks grats – at as uk bluat en nei episood. Likes wurt en betj feiert das weg. Maner bi üs, oober bi öler lidj: uun Kiel jaft at das weg det grat feier tu de Tag der Deutschen Einheit, huar wi faan hiar, wat at för’n program jaft, jister wiar so tu saien a föftigst gebuursdai faan’t Beatles album Abbey Road an Bruce Springsteen as sööwentig juar ual wurden, huar auer at das weg en gans spesjel cover-stak bi üs jaft. Trii jubilääen also. Diarmä det ei tu föl wurt för jam, haa’f oober uk noch wat ölers am spanwelen – an uk wan’t iarstens ferlicht goor ei diarefter klangt, as det wel nooch uk gans intresant!

Kategorien
Deutsch Fering/Öömrang Sendung

#149: at letst nomer

Leew lidj, detheer sending as üüs letst nomer, iar üüs grat nomer 150 ütjkomt. Oober wi bliiw gans beskiasen an gung det suutjis uun – wi liar üs iarst ens noch en betj keenen mä smalltalk. Of tutmanst snaake wi das weg diar am. Diartu fein nei musiik üüb üüs playlist an uun’t sending üüb Westküste FM an Kiel FM fu’m uk noch wat am de Hobbit-dai tu weden.

Kategorien
Deutsch Fering/Öömrang Sendung Sölring

#148: needler, daansmusiik & gans nei musiik

Das weg bi üs: gans spesjel needler, barock daansmusiik an ianfach uk gans nei musiik.

Kategorien
Deutsch Fering/Öömrang Sendung Sölring

#147: diker, muurder & ferkeelingen

A 6. september as ei de lokelkst dai uun’t geschichte. Föl lidj san üüb dediar dai duad blewen. An am sok en traurigen dai gungt at das weg uk uun Wat en Leedji fortelt. Ünrauelk as uk de fernseentip faan Mareike. An wan det ei ales al nooch wiar, jüst üüs’t en betj kääler wurden as, san uk gliks a iarst ferkeelingen diar. Diar kön’t deensk königin üs uk ei halep.

Kategorien
Deutsch Fering/Öömrang Sendung Sölring

#146: en bral, en rok & en aachterboon

Haale’m noch ens at sanbral an en smoken rok ütj – an luas iin uun’t aachterboon! Paaset ei gans tup of gungt jüst ei? Do harke’m ianfach bluat tu, wat wi das weg mäbroocht haa. Tu’n bispal en starken maan, wat auer öler maaner laachet, wan’s roker dreeg. Diarbi skul hi eentelk uunkeen, det det goorei so lacht as. Wat as do auerhaupt lacht? So üüs at ütjschocht, as’t ei lacht, en sanbral an drachten tu dreegen. Tutmanst jaft at do gau protest. So üüs bi det ian of öler aachterboon, wat tu gruuselig as. Dach wilems täär’t goorei at aachterboon wees – at teemenwäält trinjam kön föl grusliger wees. Man wees’m ei baang, wi san bi jam!

Kategorien
Deutsch Fering/Öömrang Sendung Sölring

#145: hotels, covers & kakapos

Föl musiik an gud neis haa’f das weg för jam. Tatsechelk snaake wi en mase am musiik. Uun Wat en Leedji fortelt jaft at en klasiker, wat ham am en hotel drait, oober wi haa uk föl nei musiik. Jam finj nei musiik faan Jay Som, Nick Murphy (Chet Faker) an Storzy üüb üüs playlist, oober uk en stak faan Faber, wat nei ütjkimen as an huar’f kurt am snaake. An diar wi haa ütfünjen, det at ja uk hög gud an hög lustig cover staken jaft – wilems uun en gans öler genre, huar ham ferlicht goor ei iarst am toocht hed. Faan nü uf uun ferschük Marret an Hauke, regelmiatig uk gud cover staken mätubringen.
Det tu’t musiik. Ölers haa’f – üüs wi al ferspreegen haa – ütjreegent, hö föl CO2 at koostet, wan ham en efter Griechenlun an turag flocht an hü ham det uun relasjuun saat kön. An at jaft gud neis am en fögel, wat gans nögen ütjschocht, oober böös gefäärdet wiar, ütjtusterwen: a kakapo. Faan dediar fögel jaft at nü weler hög muar eksemplaaren – an wan jam ham noch ei kään, do skel’m üüb arke faal at video faan Stephen Fry beluke (komplet of det lustig dial), wat hi an sin team mä de kakapo belewet haa. Jam finj det üüb üüs website!

Kategorien
Deutsch Fering/Öömrang Frasch Sendung Sölring

#144: kult, krich & kliima

Leew lidj, at dee üs würelk iarig – det letst sending faan üs küd üüb Kiel FM ei sendet wurd, auer … joa … wi haa ferjiden, det sending tu a sender tu stjüüren. Noch ens skal üs det so gau ei malööre, oober wan jam üs heer uunhiar, as det ja so of so nian probleem för jam.
Das weg haa’f tau buktips för jam an noch en betj wat tu’t amwäält an kliima. Ian faan a buken spelet uun a iarst wäältkrich, huar’t uun’t buk oober gans ölers ütjschocht üüs at domools ütjsiig. Det öler buk komt ütj en kult-seerie am trii detektiiwen, wat jüst a tauhonertst faal bewerket haa, “Die drei ???”. Natüürelk snaake wi oober uk kurt am det hiarspal-fulig diartu an diar am, wat ham du kön, wan ham ens en rais mä en fliiger maage skal, oober eentelk lefst doch goor ei so föl CO2 diarbi maage wal.

Kategorien
Fering/Öömrang Sendung Sölring

#143: üüs amwäält, kosmeetik & teeoter

Wi san turag ütj at somerpaus an snaake am’t amwäält. Diar wurt ja föl am snaaket oober bi üs gungt at das weg ei am a grat fraagen, man dön letj probleemen, wat ham arke dai so hee an ideen, wat ham ferlicht noch en betj uun’t aanj leewent ferbeedre küd. Huaram mut ham nian büüdeln ütj bioplastik iin uun’t kompost-tan smitj? Hü kön ham maner mül uun’t baaserüm maage? An skal arken perfekt öko lewe?
Oober det as noch ei ales. Wi luke uk üüb en gans ual teootertradisjuun turag, huar uk daaling efter bal fiiwhunert juar imer noch wat auerblewen as.