March for Our Lives

Wan wi en rubriik üüs „persuun faan’t weg“ hed, do wiar min persuun faan’t weg üüb arke faal Emma Gonzalez, wat ian faan a bekäändst persuunen as, wat sant det amok-uungrip bi’t Stoneman Douglas High School uun Parkland uun Florida protesten jin waapen-gewalt mäorganisiaret. Wi haa heer bi tjabelstünj för sjauer weg uk al diar am snaaket. Ferleeden wegaanj wiar nü det grat protest-aksjuun „March for Our Lives“, huar bi üüb at hial wäält miljuunen mensken mämaaget haa – uun’t us-amerikoonsk hoodsteed Washington alian auer 800000.

Emma Gonzalez sin reede ging oner’t hidj

Emma Gonzalez as för mi ei bluat min persuunelk persuun faan’t weg, auer hat a protesten mä öler lidj faan sin skuul tup organisiaret hee, man uk, auer hat en reede häälen hee, wat temelk oner at hidj gingen as. Emma Gonzalez hee uun sin reede diarfaan snaaket, det at amok-uungrip bluat seeks minüten an am an bi twuntig sekunden düüret hee, det det oober nooch tidj wiar, am at leewent faan arken üüb skuul för leewen tu föranrin – an det at likes so kurt wiar, det lidj dialwiis goor ei mäfingen haa, det at en uungrip jeew, üüs at al weler föörbi wiar. Knaap tau minüten hee hat am det schokiarend bejewenhaid snaaket an a nöömer faan a lidj saad, wat störwen san. An diarefter hee hat auer sjauer minüten niks muar saad, man bleew bluat üüb at büüne stunen. At publikum as uk stal blewen, uf an tu’ns haa lidj „never again“ of „Emma“ rept. Iar jüst seeks minüten an twuntich sekunden efter hat tu snaakin begand hee en weker klingeld an hat weler tu snaakin begand, mä’t apel för’t aanj leewent tu stridjen, iar det de job faan hoker ölers wurt.

Emma Gonzalez.

The entire speech.

Watch. All. Of. It. #MarchForOurLives https://t.co/AK47lWEkAM

— Michael Skolnik (@MichaelSkolnik) March 24, 2018

A reaksjuunen faan’t „öler sidj“

At waapenloby-ferian NRA hee al för a protesten kritisiaret, det a demonstrasjuunen bluat en ferschük faan miljadäären an Hollywood-stars wiar, wat diarmä jong lidj för hör aksjuunen masbrük wel, a waapengesetsen tu anern (Spiegel). Donald Trump diarjin hee goor niks saad – hi wiar üüs knaap ian miljuun lidj üüb hör wai tu’t Witj Hüs wiar, uun Florida am golf tu spelin (Huffpost, komentar bi CNN). Diarför hee Lindsay Walters, wat för’t prese uun’t Witj Hüs tustendig as, saad, det at seekerhaid faan jong lidj gans wichtig för a präsident wiar (USA today). Man so üüs at ütjschocht, ei so wichtig, det hi salew mä a protestlidj uun kontakt komt.

Noch einmal kurz auf Deutsch

Meine Person der Woche ist Emma Gonzalez, die mit anderen Schüler*innen ihrer High School nach dem Amok-Angriff im Februar den Protest „March For Our Lives“ initiiert hat. Ihre Rede bei der Veranstaltung in Washington am letzten Wochenende war einfach, aber beeindruckend und ging unter die Haut. An den Protesten haben sich weltweit Millionen Menschen beteiligt, während die Waffenlobby NRA die Demonstrationen im Vorfeld schon abschätzig kommentierte und Präsident Trump allen Veranstaltungen fern blieb und stattdessen Golf spielte.