Wat jo parteien tu ferkiar an mobilitäät sai (2)

Wi san maden uun’t superwooljuar 2017. Naist muun woort uun Sleeswig-Holstian an NRW ufstemet, uun at Saarlun wiar’t wool al. Uun en letj seerie faan üüs rubrik ferkiar & mobilitäät luke wi diar üüb, wat jo parteien so föör haa för ferkiar an’t mobil leewent.

Uun dial 1 ging at luas mä at CDU an at SPD. Uun dial 2 gongt at nü widjer mä a Greenen an at FDP. Diarefter kem jo öler parteien, wat uun a lundai faan Sleeswig-Holstian san of wat en schangs haa, diar iin tu kemin.

Ik haa mi a programen uunluket. Diarbi haa ik ei arke letj ponkt jinauer stääld, man diarüüb luket, huar bi jo parteien a fokus leit. Auer uk, wan en partei waarskiinelk ei ales amsaat koon, wat at ham föörnamt, sjocht ham doch, wat muar uun a madelponkt stäänt.

Wel-ferkiar koon ik gau ufhanle. A Greenen wel a wel-ferkiar ütjbau an onernemen halep, infrastruktuur iinturachten för lidj, diar mä wel tu werk keer wel, also tu’n bispal am lachter wel-boksen of aplees-infrastruktuur för elektrisk welen tu fun. Uun’t gehial skal uk a ferkiar uun a steeden üüb lidj uunpaaset wurd, wat saner auto onerwais san an a auto-ferkiar uun a steeden skal redusiiret wurd. At FDP hee niks tu wel-ferkiar, bit üüb dat’s jo wat diartu ütjseenk wel uun’t iarst haalew faan’t legislatuurperioode.

So wel Greenen üüs uk FDP wel a struaten saniire an a skiinen ütjbau, huar ham det luanet. At FDP leit de fokus üüb auto- an LKW-ferkiar an wal uk nei autoboonen an at Fehrman-Belt-krüsing bau, a Greenen wel det ei. Bi a Greenen leit at fokus bi’t auto-ferkiar üüb elektrisk bedriiw an üüb carsharing-ideen, fööraal uk för jo lidj üüb’t lun. Bialen, also Greenen an FDP wel de ÖPNV föl beeder ütjbau, uk mä fleksiibel konsepten üüs repbusen an bialen wel uk jo tarife widjer tupfaade mä Hamborig, oober üüb onerskialsik waier.

Tu en mobiil leewent hiart ja oober uk en mobil dooten-infrastruktuur, diarmä ham aueraal moil lewe an werke koon. Det dooten-infrastruktuur wel’s uk bialen ütjbau. Gleesstring bit tu’t hüs wel a Greenen an at FDP. A Greenen haa hög open-data-ideen för’t ferkiarsplooning, huarför det ütjbau was uk wichtig as, at FDP wiset diarüüb hen, dat at för onernemen mögelkst ianfach wees skul, nei bridjbian-leitungen tu ferleien.

Was die schleswig-holsteinischen Parteien für Verkehr und mobiles Leben vorhaben, schauen wir uns aktuell anlässlich der anstehenden Landtagswahlen im Mai an. Nach CDU und SPD waren heute die Grünen und die FDP an der Reihe, bzw. die Frage, wo sie ihre Schwerpunkte in den Wahlprogrammen legen.

Beide Parteien wollen den ÖPNV massiv stärken und Straßen instand setzen und neue Mobilitätskonzepte und -Techniken fördern. Der Fokus bei der FDP bleibt eher beim motorisierten Straßenverkehr, zu Radverkehr haben sie gar nichts. Die Grünen umso mehr. Die wehren sich aber auch gegen Fehmarnbelt-Querung und A 20-Ausbau. Beide wollen sich aber auch für den Ausbau der digitalen Infrastruktur einsetzen.

Die Darstellungen hier beziehen sich natürlich nur auf einen kleinen Teil der Programme. Ich empfehle daher, sich auf jeden Fall auch den Rest der Programme (Grüne, FDP) anzusehen oder einfach mal zu schauen, was beim Wahl-O-Mat rauskommt.