Kategorien
Deutsch Fering/Öömrang Sendung Sölring

En julfilm, en lochtpomp an föl musik

Bi üs begant daaling al en betj a jultidj, dan wi snaake am a iarst julfilm faan’t juar. At jaft intresant saagen auer’t lochtpomp tu hiaren an wi snaake ens weler am musik an du jam en paar musiktips.

Kategorien
Fering/Öömrang Mä Marret & Hauke üüb’t suufa

3 postkoorden för Marret

Uunsteed faan snaak üüb’t suufa jaft at das weg trii postkoorden för Marret, wat onerwais as.

Kategorien
Fering/Öömrang Musik Programm

Valentiinsdai brük wi ei/Musiiktip: „5 Minuten“

Widjert föl lidj ferükt ambirään an ruusen an schoklaad kuupe, gungt för ölern a wäält oner, auer’s alianing san. Wat skal det? Brük wi dediar ual valentiinsdai wörelk? Wan ham hoker hal liis mei, do kön ham det doch uk so arke dai wise. Wi besnaake, wat üs bi de valentiinsdai nerfet – an det […]

Kategorien
Deutsch Fering/Öömrang Musik Programm

Nick Drake san 70. gebuursdai

Das weg as de sööwentigst gebuursdai faan en konstler, wat tu sin aanj leewentstidj nimer so gans bekäänt wurden as – wat fölen goorei so rocht ferstun mei: Nick Drake. Hi as 1948 tu wäält kimen uun Birma üüs dring faan en britisk inschenöör, hee oober at miast tidj faan sin leewent uun Ingelun lewet, huar […]

Kategorien
Fering/Öömrang Musik

MGMT – When You Die

Uun a desember as en nei single faan MGMT ütjkimen, en stak, wat üüb det nei album „Little Dark Age“ üüb wees skal, wat naist weg ütjkomt (09.02.) . „Little Dark Age“ het uk en stak, wat uk al linger üüs single ütj as, det nei stak het nü „When You Die“. An jam hiar […]

Kategorien
Deutsch Fering/Öömrang Frasch Sendung Sölring

#70

Efter at letst sending mä musiik faan Tocotronic wel’f diar das weg noch ens iinhiar, auer at det stak, wat wi ferleeden feer spelet haa, üüb’t special edition faan’t album gliks tweisis jaft. Diartu haa’f uk noch en musiiktip am en nei stak faan MGMT för’t album „Little Dark Age“, wat naist weg ütjkomt.

Dach at gungt ei bluat am at musiik, man uk am det, wat diar bääft stäänt. Uun Wat en Leedji fortelt fu wi wad am en 1980er-juar klasiker faan Mike Oldfield tu weden. An goor ei am musiik gungt at bi Strava, en populäär fitnes-tracker-app, huar mä (ünfriiwalig) diskreet militäär-informasjuunen iin uun’t internet kimen san.

Viel Musik haben wir diese Woche wieder im Programm mit einer Neuveröffentlichung von MGMT und noch einem Stück vom neuen Tocotronic-Album. Außerdem gibt es auch eine neue Folge von Wat en Leedji fortelt mit einem Klassiker aus den 80er Jahren. Nicht um Musik hingegen geht es bei Strava, einer Fitness-Tracking-Plattform, die ungewollt delikate Militärinformationen sichtbar gemacht hat.

Kategorien
Programm

Musik-tip: Liima

Ütj at deensk band Efterklang as för hög juar en nei band apwoksen, wat ham Liima näämt. Det as finsk an bedüüdet klewer. So’n betj tup klewet san’s uk, auer’s ale ja al linger keen: Rasmus, Casper an Mads haa al üüs Efterklang tup werket an leeder do uk mä Tatu üüb a büüne stenen. […]

Kategorien
Deutsch Fering/Öömrang Frasch Sendung Sölring

#68

Wi haa das weg en fein tuppaaket program för jam mä en film-tip, de beeftgrünj faan en temelk nüürig versjuun faan en bekäänt jongens-stak, en konstelk frinj, huarmä am chatte kön an föl am musiik, musiikern an det gud uun a wäält. Oober auer’t uk am’t ring uun a wäält gungt, wel’f, det at jam gans besonders gud gungt an wanske jam en feinen wäält-knuddel-dai. Wees jam diarbi, wan jam wed wel, huaram at bi dediar dai gungt.

Diese Woche dreht es sich bei uns nicht nur viel um Musik, sondern auch um ein ganz besonderes Kinderlied, um einen künstlichen Freund, mit dem man chatten kann und wir haben mal wieder einen Filmtipp für euch. Also viel Spaß bei einer Stunde tjabelstünj – und fühlt euch geknuddelt, denn diese Woche ist Weltknuddeltag!