Plooner ütj Helsinki: Maner struaten – maner ferkiar

Föör trii weg haa’k uun detheer rubriik diar am snaaket, hü heer an diar fersoocht wurd, autokeeren maner atraktiif tu maagin, auer at imer muar autos jaft an ei nooch steed diarför as. Wat diarbi ütjkomt as diar ei bluat ring loft, wat wi öösme, man uk föl krach an stres – för lidj uun a autos an jo lidj wat bi a struaten wene, huar föl autos ambi keer.

Uun’t finisk hoodsteed Helsinki jaft at nü de ploon, struaten turag tu bauen, am autos steed wechtunemen, diarmä at maner ferkiar jaft. Grat autoboonen, wat widj iin uun steed gung, skel turagbaut wurd an uunsteed diarför skal’t do fein struaten mä buumer an hüsing jeew, huar lidj wene an lewe kön (SZ.de)

Maner ferkiar troch maner struaten – gungt det auerhood?

Wat ham iarst ens ferükt uunhiart, as tatsechelk wedenskaplik gud begrünjet. Oner ferkiarsaktivisten as de spröök „Wer Straßen sät, wird Verkehr ernten“ al so populär, det at wilems goor ei muar so lacht as, ütjtufinjen, hoker det eentelk saad hee (jüst so üüs mä al dön Einstein-sitaaten, wat jam uun jau memes online aueraal finj kön). De spröök komt faan de hoodbürgermääster faan München, man ei faan de aktuel, man faan Hans-Jochen Vogel, wat faan 1960–1972 bürgermääster wiar. Faan 1972 as det sitaat an at schocht so ütj, üüs wan ham diar uk niks anert hee: uun föl steeden hee’m sant domools sä küden, det muar struaten efter en kurt tidj uk bedüüde, det at muar ferkiar jaft (bispalen bi Wikipedia, WDR). De grünj diarbeeft as gans ianfach. Wan en nei struat baut wurt, auer huarölers tu föl stau as, do teenk lidj, det’s ja nü uk weler mä auto keer kön, wan at muar steed diarför jaft. An gau as uk det nei struat do fol. En studie hee sogoor faaststääld, det det ei mä sosjoloogisk of ökonoomisk faktooren tuphinget, man föl muar en psykoloogisk reaksjuun as (tupfaating uun’t Handelsblog mä link tu’t studie).

Det as ei bluat teorii – at jaft en bekäänd bispal

Det at oober uk tatsechelk so funksjoniire kön, üüs Helsinki ham det föörstäält, det kön ham bi en gans populäär bispal sä: Amsterdam. Det steed, wat fölsis üüs hoodsteed för’t welk-keeren uunsen wurt, wiar uk ens en paradiis för’t auto, iar ham diar begaand hee, struaten turag tu bauen an a ferkiar ölers tu ploonin. Iindrüksfol kön ham det uun hög tweets faan’t profiil @fietsprofessor efterlees, huar fööraal Marco te Brommelstroet för skraft, wat bi a Universitäät faan Amsterdam uun’t studium för ferkiarsplooning werket. Gans iindrüksfol finj ik tu’n bispal a biljen uun dön tau tweets heer:

There is no intrinsic reason that Amsterdam is not dominated by cars.
It is the result of a long-term and consistent choice for people over traffic
~Rembrandtplein, Amsterdam (1984-2017) pic.twitter.com/jDumPtthLD

— Cycling Professor (@fietsprofessor) 13. März 2018

Every time somebody tells you cycling cannot work „because your city is not Amsterdam“ let them read this: ‚How Amsterdam almost went under‘https://t.co/xmf6We8RLF pic.twitter.com/b9SE695KKj

— Cycling Professor (@fietsprofessor) 8. März 2018

Noch einmal kurz auf Deutsch

In der finnischen Hauptstadt Helsinki gibt es Pläne, Straßen zurück zu bauen und dadurch mehr Wohn- und Lebensraum zu schaffen und Autoverkehr zu reduzieren. Was zuerst etwas irrsinnig und nach einem drohenden Verkehrsinfarkt klingt, hat aber tatsächlich eine gute wissenschaftliche Grundlage – und ein prominentes Beispiel: Amsterdam. Dort hat man schon vor 30 Jahren solche Schritte gewagt, die der Stadt schließlich einen guten Ruf als Fahrradstadt eingebracht haben.