Archive: Episoden

Et as nü sunt 54 iirnge sü, dåt fötjmååns bai en Zebrastrimel forrång hääwe. 1964 jäif et nämlik en nai Straßenverkehrsordnung, weer ja dåt fååst läid hääwe. Än deerma san we ma e rubrik ferkiir ål klåår än koone önj e stün ma wat ouders widermååge. Jam hiire wat tu tiire önj e mädj, Hauke wus aw en Feer-ekskurschuun än bai Wat en Leedji fortelt gungt et amt stuk „Beds Are Burning“.

Diese Woche geht es bei uns um Tiere in der Mahd, Hauke war auf einer Föhr-Exkursion und um das Lied „Beds Are Burning“ in Wat en Leedji fortelt.

Das weg raise wi troch’t wäältal mä det nei film ütj at Star Wars rä an en musiiker, wat ens beschük ütj at wäältal fingen hee. Kluk lidj witj, det’m imer en honduk diarbi haa skul, wan’m onerwais as. Huar det faan komt an det at diar uk en ekstra dai för jaft, am diar am tu teenken, ferklaare wi jam das weg uk. Det tu’t wäältal. Föl naier wiar do ferleeden weg a Special Olympics uun Kiel, huar Franziska an Mareike uk mä diarbi wiar. Hü’t wiar an wat’s belewet haa, fertel’s jam das weg uun üüs sending.

Diese Woche sind wir viel im Weltall unterwegs mit allerlei Science-Fiction-Inhalten und einem spacigen Musiker. Außerdem waren Mareike und Franziska bei den Special Olympics und erzählen uns, was da so los war.

Fölsis hinget en feier ja tup mä föl tu iidjen, tu dranken an musiik. Det fu’m das weg uk ales bi üs: en klasiker fasn ark taarepsfest wurt faan Franziska uun Wat en Leedji fortelt naier beluket: „Was sollen wir trinken?“ – am’t iidjen gungt at bi Hauke mä en resept för en eerdaaplersalaat för’t grilen, bütjen iidjen of wat uk imer. An feiert wurd ei bluat bi de Eurovision Song Contest ferleeden weg, Mareike hee uk en nei feierdai mäbroocht: de dai faan’t laacht. Of’t ham luanet, dediar dai frei tu nemen an wat för musiik wi das weg hal liis mei, hiar jam do bi üs!

Diese Woche u. a. mit dem Tag des Lichts, einem Kartoffelsalatrezept, dem tatsächlichen Inhalt vom alten Party-Klassiker „Was sollen wir trinken“ und einem Rückblick auf den Eurovision Song Contest.

Föl kreeft kön’t das weg jeew: wi haa a fjuard mei an a wäältwidj dai för’t laachin. Laachin maaget sünj, diar fu’m al so’n betj kreeft, oober wat as mä a fjuard mei? De dai hee wat mä Star Wars tu dun. Huaram, fertäält Franziska jam an wiset jam diarbi at hial meecht faan troch Star Wars inspiriaret musiik. An diartu snaake’f noch am’t nordfriisk teooter, huar’f ferleeden weg ale tu en föörsteling wiar.

Natüürelk jaft at diartu uk ei bluat uun Wat en Leedji fortelt fein musiik, tu’n bispal musiik faan det sampler „Universal Love – Wedding Songs Reimagined“, huar üüb klasisk bradlep staken ütj en queer perspektiif nei apnimen san, an nei musiik faan Drangsal. Jam finj det ales uk üüb üüs playlist, diarmä’m det noch ens uunhiar kön!

Wir plaudern über unseren Theaterbesuch beim Nordfriisk Teooter vergangene Woche, über den Weltlachtag und von Star Wars inspirierte Musik. Möge die Macht mit euch sein!

Spiitig för dönen, wat nü harewst haa: das weg as de internasjuunaal dai för buumer – an tutmanst heer bi üs uun madeleuropa komt det ja jüst tu rochter tidj, nü diar ale buumer green wurden san an fölen uk bloosne! Am de dai snaaket Mareike das weg an fertäält jam, wat för’n buum juarling buum faan’t juar as. Hauke luket efter Grat Britanien – ei auer’s diar jüst en letj fingen haa uun’t köninglik familje, man auer’t diar uun’t uugenblak föl protesten jaft för dön lidj, wat för föftig juar an muar ütj a ual koloniien iin uun’t lun kimen san an nü probleemen mä’t regeering haa. Wat en Leedji fortelt as das weg en betj ölers üüs jam det wenet san. Franziska snaaket ei am en spesjel stak, man am museeums, wat at för musiikstaken jaft.

Diese Woche mit dem Tag des Baumes, Protesten in Großbritannien gegen die Ausgrenzung einer bedeutenden Migrant*innengeneration und Museen, die für Lieder gemacht wurden.

Wi haa das weg en teemenmiks, wat ham ei so gud oner een hud feit: at gungt bi Mareike am’t apfinjen faan LSD, wat eentelk gans witsig wiar, oober uk am temelk iarenst teemen, nemelk am de apstand uun’t geto faan Warschau an hü a lidj diarefter ambroocht an deportiaret wurden san. Diarfaan haanelt det stak bi Franziska uun Wat en Leedji fortelt. An Hauke snaaket diar am, wat ham mä spriak ales transportiare kön, an huaram at wichtig as, en betj üübtupaasin, hü ham snaaket – auer’t diar gans aktuel bispalen för jaft, huar det ei so lokelk ütjgingen as.

Ein sehr breit gestreutes Programm erwartet euch diese Woche bei uns, denn wir reden heute über LSD, das Warschauer Ghetto und Sprachkritik.